ពេលបច្ចុប្បន្ននេះ ក្រុមហ៊ុនទូរគមនាគមន៍ China Mobile ប្រចាំខេត្ត Zhejiang បានប្រើប្រាស់បច្ចេកវិទ្យាខ្ពស់ដូចជា 5G និងមធ្យោបាយពត៌មានវិទ្យាជាដើម ដើម្បីជួយប្រយុទ្ធប្រឆាំងនឹងជំងឺរលាកសួតបង្កដោយវីរុសកូរ៉ូណាប្រភេទថ្មីក្នុងតំបន់ជាច្រើននៃខេត្តZhejiang ។
សូមបញ្ជាក់ថា ប្រព័ន្ធពិនិត្យនិងណែនាំរយៈចម្ងាយឆ្ងាយចំពោះបន្ទប់ Intensive Care Unitដោយប្រើប្រាស់បច្ចេកវិទ្យាខ្ពស់5G និងVR បានដាក់ឱ្យប្រើប្រាស់កាលពីថ្ងៃទី ២៤ ខែមករា ។ ប្រព័ន្ធនេះគឺសហការនិងបង្កើតឡើយដោយក្រុមហ៊ុន China Mobile និងមន្ទីរពេទ្យទី២ក្រោមឱវាទវិទ្យាស្ថានវេជ្ជសាស្ត្រនៃសកលវិទ្យាល័យខេត្តZhejiang ។ គ្រូពេទ្យនិងគិលានុបដ្ឋាយិកាអាចកាត់បន្ថយការប៉ះពាល់ដោយផ្ទាល់ជាមួយនឹងអ្នកជំងឺប្រកបដោយប្រសិទ្ធភាពតាមរយៈប្រព័ន្ធនេះ ។
ក្រៅពីនេះ គ្រូពេទ្យជំនាញនៅក្រៅតំបន់ក៏អាចធ្វើការណែនាំព្យាបាលជំងឺពីចម្ងាយឆ្ងាយដោយមានរូបភាពច្បាស់គ្រប់ជ្រុងជ្រោយតាមរយៈប្រព័ន្ធនេះ ។ ព្រមពេលជាមួយគ្នានេះ គ្រួសាររបស់អ្នកជំងឺក៏អាចមើលអ្នកជំងឺដែលនៅដោយឡែកពីគ្នាជាមួយនឹងអ្នកដទៃគ្រប់ពេលវេលាតាមរយៈប្រព័ន្ធនេះ។
