កាលពីថ្ងៃទី ៣១ ខែមករា លោកស្រីHua Chunying អ្នកនាំពាក្យក្រសួងការបរទេសចិនបានថ្លែងថា ចាប់តាំងពីផ្ទុះនូវជំងឺរលាកសួតបង្កដោយវីរុសកូរ៉ូណាប្រភេទថ្មីនៅប្រទេសចិនមក រដ្ឋាភិបាលចិនបានចាត់វិធានការគ្រប់បែបយ៉ាងនិងតឹងរ៉ឹងបំផុត ហើយវិធានការជាច្រើនលើសពីសំណូមពរនៃបទបញ្ញត្តិសុខភាពអន្តរជាតិ យើងមានជំនឿចិត្តនិងសមត្ថភាពពេញលេញក្នុងការយកជ័យជម្នះលើសង្គ្រាមប្រយុទ្ធប្រឆាំង បង្ការនិងគ្រប់គ្រងជំងឺនេះ ។
ពេលកន្លងទៅថ្មីៗនេះ អគ្គនាយកនៃអង្គការសុខភាពពិភពលោកបានប្រកាសថា ជំងឺរលាកសួតបង្កដោយវីរុសកូរ៉ូណាប្រភេទថ្មីបានក្លាយជាភាពអាសន្នផ្នែកសុខភាពសាធារណៈធ្វើឱ្យផ្ទៃអន្តរជាតិព្រួយបារម្ភ ។ អំពីការនេះ លោកស្រីHua Chunying ថ្លែងថា ភាគីចិនបានរាយការណ៍ពីព័ត៌មានអាការរោគ ចែករំលែកអំពីហ្សែននៃវីរុសបានទាន់ពេលជូនគ្រប់ភាគីមានពាក់ព័ន្ធដោយអាកប្បកិរិយាបើកទូលាយ តម្លាភាពនិងទទួលខុសត្រូវ ។ អង្គការសុខភាពពិភពលោកនិងប្រទេសជាច្រើនបានបញ្ជាក់យ៉ាងពេញលេញនិងវាយតម្លៃខ្ពស់ចំពោះការនេះ ។
លោកស្រីHua Chunying ថ្លែងថា ភាគីចិនរីករាយរួមសហការជាមួយអង្គការសុខភាពពិភពលោកនិងបណ្តាប្រទេសនានា ដើម្បីរួមគ្នាគាំពារសន្តិសុខលើវិស័យសុខាភិបាលសាធារណៈនៃតំបន់និងពិភពលោក ៕
