តាមទិន្នន័យបង្ហាញថា ក្នុងរយៈពេល៣ថ្ងៃ គឺចាប់ពីថ្ងៃទី២៧ដល់ថ្ងៃទី២៩ខែមករា ករណីរកឃើញអ្នកឆ្លងជំងឺរលាកសួតបង្កដោយវីរុសកូរ៉ូណាប្រភេទថ្មីនៃប្រទេសចិនបានកើនឡើងយ៉ាងឆាប់រហ័សគឺ ១៧៧១ករណី ១៤៥៩ករណីនិង១៧៣៧ករណីដោយឡែកពីគ្នា។លោកWuZunyouអ្នកជំនាញផ្នែករោគរាតត្បាតនៃមជ្ឈមណ្ឌលគ្រប់គ្រងនិងការពារជំងឺប្រទេសចិនបានថ្លែងកាលពីយប់ថ្ងៃទី៣០ខែមករាថា កុំព្រួយបារម្ភពេកចំពោះទិន្នន័យនៃការរកឃើញជំងឺរលាកសួតប្រភេទថ្មី។ករណីជាច្រើនដែលត្រូវបានគេធ្វើរោគវិនិច្ឆ័យឃើញក្នុងរយៈពេលបីថ្ងៃនេះគឺដោយសារមនុស្សដែលសង្ស័យថាមានជំងឺជាច្រើនមិនទាន់បានវិនិច្ឆ័យនិងមិនទាន់រាយការណ៍នៅដំណាក់កាលដំបូង។
លោកបន្តថា ក្នុងទីក្រុងWuHanខេត្តHuBeiប្រទេសចិននិងតំបន់ផ្សេងទៀតក្នុងខេត្តនេះ មានអ្នកជំងឺជាច្រើនមិនត្រូវវិនិច្ឆ័យនិងរាយការណ៍បានទាន់ពេលវេលានៅដំណាក់កាលដំបូងគឺដោយសារគ្រូពេទ្យនិងគិលានុបដ្ឋាយិកាមិនគ្រប់គ្រាប់ ដូច្នេះប៉ុន្មានថ្ងៃកន្លងទៅនេះអ្នកជំងឺជាច្រើនត្រូវបានគេធ្វើវិនិច្ឆ័យ។តាមការពិត កាលបរិច្ឆេទផ្ទុះជំងឺនេះត្រូវរាប់ថយក្រោយប៉ុន្មានថ្ងៃមកវិញ។តួលេខស្ថិតិគិតតាមកាលបរិច្ឆេទនៃការផ្ទុះជំងឺនេះមានសុទិដ្ឋិនិយមជាងពេលបច្ចុប្បន្ននេះ។