ថ្ងៃទី ២៨ ខែមករា លោកវ៉ាងអ៊ីសមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិនបានជួបពិភាក្សាជាមួយលោក Tedros អគ្គនាយកអង្គការសុខភាពពិភពលោកនៅក្រុងប៉េកាំង។
ថ្លែងក្នុងកិច្ចជំនួប លោក Tedro បានលើកឡើងថា អង្គការសុខភាពពិភពលោកនិងសហគមអន្តរជាតិសូមកោតសសើរខ្ពស់ចំពោះរដ្ឋាភិបាលចិនដែលបានចាត់វិធានការដ៏ដាច់ម៉ាត់មួយចំនួន ហើយក៏សូមថ្លែងអំណរគុណចំពោះប្រទេសចិនដែលបានធ្វើកិច្ចខិតខំប្រឹងប្រែងដើម្បីទប់ស្កាត់មិនឱ្យសភាពជំងឺរីករាលដាលផងដែរ។ អង្គការសុខភាពពិភពលោករំពឹងថាអាចបង្កើនកិច្ចសហប្រតិបត្តិការជាមួយប្រទេសចិន ព្រមនិងផ្តល់ជំនួយឧបត្ថម្ភដ៏ចាំបាច់ទាំងអស់ដល់ភាគីចិនដោយអនុលោមតាមតម្រូវការរបស់ចិន។
ជាការឆ្លើយតប លោកវ៉ាងអ៊ីបានថ្លែងថា ប្រទេសចិនក៏រីករាយបង្កើនកិច្ចសហប្រតិបត្តិការជាមួយសហគមអន្តរជាតិ ពិសេសគឺអង្គការសុខភាពពិភពលោកដោយប្រកាន់ឥរិយាបថបើកចំហនិងមានតម្លាភាព សំដៅធ្វើកិច្ចខិតខំប្រឹងប្រែងសម្រាប់បុព្វហេតុសុខាភិបាលសាធារណៈអន្តរជាតិ៕
