ក្នុងសន្និសីទសារព័ត៌មានដែលធ្វើនៅថ្ងៃទី២៨ខែមករា លោកAlex Azarរដ្ឋមន្រ្តីក្រសួងសុខាភិបាលនិងសេវាកម្មសាធារណៈអាមេរិកបានអំពាវនាវសមត្ថកិច្ចសុខាភិបាលអន្តរជាតិឱ្យបង្កើនកិច្ចសហប្រតិបត្តិការ ដើម្បីទប់ទល់នឹងវីរុសកូរ៉ូណាថ្មី។
លោកAlex Azarបានថ្លែងថា ប្រទេសចិនបានប្រកាសលទ្ធផលនៃការវាស់ស្ទង់ហ្សែននៃវីរុសកូរ៉ូណាថ្មី នេះគឺអស្ចារ្យណាស់ដែលបានធ្វើឱ្យក្រុមការងារនៃមជ្ឈមណ្ឌលបង្ការនិងគ្រប់គ្រងជំងឺអាមេរិកសិក្សាស្រាវជ្រាវនិងផលិតបានឧបករណ៍ធ្វើវិនិច្ឆ័យវីរុសក្នុងរយៈពេលតែមួយសបា្តហ៍ប៉ណ្ណោះ វិទ្យាស្ថានស្រាវជ្រាវជំងឺអាឡែរហ្សីនិងជំងឺឆ្លងជាតិអាមេរិកមានការរំពឹងទុកនឹងស្រាវជ្រាវបានវ៉ាក់សាំងដែលអាចសម្រាំងយកប្រើប្រាស់ក្នុងរយៈពេលប៉ុន្មានសបា្តហ៍ខាងមុខ។
លោកបានថ្លែងថា បច្ចុប្បន្ន អាមេរិកបានអនុវត្តការវាស់កម្តៅរាងកាយចំពោះអ្នកដំណើរនៅព្រលានយន្តហោះថំនួន២០ នៅពេលអនាគតប្រហែលនឹងលើកកម្ពស់ការដាក់កំហិតចំពោះការធ្វើដំណើរថែមទៀត ៕