ថ្ងៃទី ២៨ ខែមករា អង្គការសុខភាពពិភពលោកបានប្រកាសថា នឹងចាត់បញ្ជូនក្រុមអ្នកជំនាញអន្តរជាតិទៅកាន់ប្រទេសចិនក្នុងពេលឆាប់ៗ ដើម្បីស្វែងយក់ថែមទៀតនូវសភាពជំងឺរលាកសួតបង្កឡើងដោយវីរុសកូរ៉ូណាថ្មី ព្រមនិងផ្តល់ការណែនាំដល់ការងារបង្ការនិងគ្រប់គ្រងសភាពជំងឺនៅទូទាំងពិភពលោក ។
ក្នុងសេចកី្តថ្លែងការណ៍ អង្គការសុខភាពពិភពលោកបានឱ្យដឹងថា លោក Tedros អគ្គនាយកនៃអង្គការសុខភាពពិភពលោកដែលអញ្ជើញទៅបំពេញទស្សនកិច្ចនៅប្រទេសចិនកំពុងធ្វើការពិគ្រោះពិភាក្សាជាមួយរដ្ឋាភិបាលចិន ភាគីទាំងពីរឯកភាពគ្នាថា អង្គការសុខភាពពិភពលោកនឹងចាត់បញ្ជូនក្រុមអ្នកជំនាញអន្តជាតិទៅកាន់ប្រទេសចិនក្នុងពេលឆាប់ៗ ក្នុងន័យរួមសហការជាមួយអ្នកជំនាញចិន ខិតខំប្រឹងប្រែងបង្កើនការសិក្សាស្រាវជ្រាវចំពោះសភាពជំងឺ ព្រមនិងផ្តល់ការណែនាំដល់ការងារទប់ទល់នឹងសភាពជំងឺលើពិភពលោកទាំងមូល ។
ថ្លែងក្នុងសេចកី្តថ្លែងការណ៍ លោក Tedros បានលើកឡើងថា ការទប់ស្កាត់ការរីករាលដាលរបស់វីរុសកូរ៉ូណាថ្មីនេះនៅប្រទេសចិនក៏ដូចជាពិភពលោកទាំងមូលជាការងារជាអាទិភាពបំផុតរបស់អង្គការសុខភាពពិភពលោក ។ លោកបានថ្លែងទៀតថា អង្គការសុខភាពពិភពលោកបាននិងកំពុងធ្វើកិច្ចសហប្រតិបតិ្តការយ៉ាងស្អិតល្មួយជាមួយរដ្ឋាភិបាលចិន ក្នុងន័យស្វែងយល់ពីវីរុសព្រមនិងទប់ស្កាត់ការរីករាកដាល អង្គការសុខភាពពិភពលោកនឹងបន្តធ្វើការខិតខំប្រឹងប្រែងតទៅទៀតជាមួយប្រទេសចិននិងប្រទេសផ្សេងទៀងទាំងអស់ ដើម្បីការពារសុខភាពនិងសន្តិសុខរបស់ប្រជាជន ៕
