ថ្ងៃទី ២៨ ខែមករា អ្នកសារព័ត៌មានទទួលដំណឹងពីក្រសួងកិច្ចការស៊ីវិលចិនឱ្យដឹងថា ពេលថ្មីៗកន្លងទៅនេះ ក្រសួងកិច្ចការស៊ីវិលចិនបានចងក្រង«សេចក្តីណែនាំអំពីការងារបង្ការនិងគ្រប់គ្រងជំងឺរលាកសួតបង្កឡើងដោយវីរុសកូរ៉ូណាប្រភេទថ្មីចំពោះអង្គការសេវាកម្មលើវិស័យសុខុមាលភាពកុមារ» ដោយបានទាមទារឱ្យអង្គការសុខុមាលកិច្ចកុមារ អង្គការជួយឧបត្ថម្ភនិងការពារអនីតិជនលុបចោលសកម្មភាពចេញទៅខាងក្រៅនិងសកម្មភាពជួបជុំទាំងអស់ ។
សេចក្តីណែនាំបានទាមទារឱ្យបុគ្គលិកការងារទាំងអស់ដែលបានចូលធ្វើការនៅអង្គការគួរតែវាស់កម្តៅរាងកាយនៅបន្ទប់យាម បើសិនជាកម្តៅខ្លួនខុសពីពេលធម្មតា ត្រូវតែលាចាកពីកន្លែងធ្វើការភ្លាម រាយការណ៍ ព្រមនិងស្ថិតនៅផ្ទះដោយឡែកពីអ្នកដទៃឬទទួលការព្យាលបាលនៅមន្ទីរពេទ្យតាមការកំណត់ ។ លើកលែងតែបុគ្គលិកការងារនិងឡានរបស់អង្គការ បុគ្គលនិងឡានដែលមកពីខាងក្រៅទាំងអស់សុទ្ធតែមិនអាចចូលក្នុងអង្គការបាន រីឯបុគ្គលនិងឡានដែលបានចូលក្នុងអង្គការគួរតែរំងាប់មេរោគ ។
ព្រមពេលជាមួយគ្នានេះ តំបន់រស់នៅរបស់កុមារគួរតែបើកទ្វារឬបង្គួចឱ្យខ្យល់អាកាសចេញចូល និងរំងាប់មេរោគតាមពេលកំណត់ជារៀងរាល់ថ្ងៃ ៕
