បន្ទាប់ពីលោកឧត្តមសេនីយ៍ត្រី Soleimani មេបញ្ជាការនៃកងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ត្រូវស្លាប់ដោយសារការវាយប្រហាររបស់អាមេរិក លោក Abuhamzeh មេបញ្ជាការជាន់ខ្ពស់នៃកងកម្លាំងឆ្មាំបដិវត្តន៍អ៊ីស្លាមអ៊ីរ៉ង់បានថ្លែងថា នៅតំបន់ឈូងសមុទ្រមជ្ឈិមបូព៌ា ប្រហែលមានទីតាំងយោធាអាមេរិក៣៥កន្លែង ហើយក្រុង Tel Aviv នៃប្រទេសអ៊ីស្រាអែលក៏ចាទីតាំងស្ថិតក្នុងក្របខណ្ឌវាយប្រហាររបស់យើងដែរ ។ ទាក់ទិននឹងសេចកី្តប្រកាសបែបនេះ ថ្នាក់ដឹកនាំអាមេរិកបានព្រមានថា បើសិនជាអ៊ីរ៉ង់វាយប្រហារបុគ្គលឬទ្រព្យសម្បតិ្តរបស់អាមេរិក នោះអាមេរិកនឹងវាយតបតវិញជាបន្ទាន់និងខ្លាំងក្លាទៅលើទីតាំងចំនួន៥២របស់អ៊ីរ៉ង់ ។ ការប៉ះទង្គិចរវាងអាមេរិកនិងអ៊ីរ៉ង់បានធ្លាក់ចូលម្តងទៀតក្នុងវដ្តជុំដ៏អាក្រក់ដែលកាន់តែឡើងកម្តៅខ្លាំងទៅៗ ។
ស្ថានការណ៍មជ្ឈិមបូព៌ាមានភាពស្មុគស្មាញនិងមានភាពរសើប បណ្តាភាគីពាក់ព័ន្ធនានាគួរតែប្រើប្រាស់ពុទ្ធិនយោបាយឱ្យបានពេញលេញ រួមគ្នាគាំពារកម្មវត្ថុធម្មនុញ្ញអង្គការសហប្រជាជាតិនិងក្រមមូលដ្ឋាននៃទំនាក់ទំនងអន្តរជាតិ ក្នុងន័យខិតខំប្រឹងប្រែងដើរចេញពីវដ្តដ៏អាក្រក់នៃភាពបដិបក្ខគ្នា ហើយវិលត្រឡប់ទៅរកផ្លូវដោះស្រាយបញ្ហាតាមរយៈកិច្ចសន្ទនាក្នុងពេលឆាប់ៗ ចៀសវាងកុំឱ្យតំបន់ឈូងសមុទ្រមជ្ឈិមបូព៌ាធ្លាក់ចូលគ្នុងវិបត្តិថ្មី ៕
