ថ្លែងក្នុងពិធីអបអរសាទរខួបគម្រប់ ២០ ឆ្នាំនៃការវិលត្រឡប់របស់ម៉ាកាវមកប្រទេសចិនវិញនិងពិធីស្បថចូលកាន់តំណែងនៃរដ្ឋបាលតំបន់រដ្ឋបាលពិសេសម៉ាកាវអាណត្តិទី ៥ ដែលបានប្រារព្ធធ្វើឡើងនៅម៉ាកាវកាលពីថ្ងៃទី ២០ ខែធ្នូ លោកស៊ី ជីនភីង ប្រធានរដ្ឋចិនបានរំលឹកឡើងវិញដោយគ្រប់ជ្រុងជ្រោយនូវសមិទ្ធផលនៃការអនុវត្តគោលនយោបាយ “ប្រទេសមួយ ប្រព័ន្ធគ្រប់គ្រងពីរ ”នៅតំបន់ម៉ាកាវ និងបូកសរុបពីបទពិសោធន៍សំខាន់ៗ ៤ ចំណុចក្នុងការអនុវត្តគោលដោយជោគជ័យនូវនយោបាយ “ប្រទេសមួយ ប្រព័ន្ធគ្រប់គ្រងពីរ “នៅតំបន់ម៉ាកាវ ព្រមទាំងបានលើកឡើងពីការរំពឹងទុក ៤ ចំណុចសម្រាប់ការអភិវឌ្ឍនៃតំបន់ម៉ាកាវនាពេលអនាគត ។ ស្របពេលជាមួយគ្នានេះ លោកបានបង្ហាញពីគោលជំហយ៉ាងរឹងមាំក្នុងការប្រឆាំងដាច់ខាតនឹងការជ្រៀតជ្រែកកិច្ចការតំបន់ហុងកុងនិងម៉ាកាវពីកម្លាំងបរទេសទាំងអស់ ដោយបានបញ្ជាក់ថា ប្រទេសចិនមានទំនុកចិត្តយ៉ាងមុតមាំ មានបញ្ញានិងសមត្ថភាពគ្រប់គ្រាន់ក្នុងការអនុវត្តគោលនយោបាយ “ប្រទេសមួយ ប្រព័ន្ធគ្រប់គ្រងពីរ “ឱ្យកាន់តែល្អ និងធ្វើអភិបាលកិច្ចលើតំបន់រដ្ឋបាលពិសេសបានកាន់តែល្អ ។
បើសំឡឹងមើលទៅអនាគត តំបន់ហុងកុងនិងម៉ាកាវច្បាស់ជានឹងអាចទទួលបានការអភិវឌ្ឍកាន់តែល្អប្រសើរខណៈពេលធ្វើសមាហរណកម្មទៅក្នុងស្ថានការណ៍អភិវឌ្ឍន៍ជាតិទាំងមូល ដើម្បីផ្តល់ផលប្រយោជន៍ជាច្រើននិងសុភមង្គលដល់អ្នកក្រុង ។
