នាពេលថ្មីៗកន្លងទៅនេះ បណ្តាញទូរទស្សន៍សកលចិន ហៅកាត់ CGTN របស់អគ្គស្ថានីយវិទ្យុនិងទូរទស្សន៍មជ្ឈិមចិនបានចាក់ផ្សាយភាពយន្តឯកសារជាភាសាអង់គ្លេសចំនួនពីររឿងដែលពាក់ព័ន្ធនឹងការប្រឆាំងភេរវកម្មនៅតំបន់ស៊ីនជាំង ក្នុងន័យបង្ហាញឱ្យឃើញយ៉ាងប្រាកដប្រជានូវផលប៉ះពាល់ទៅលើតំបន់ស៊ីនជាំងដែលបណ្តាលមកពីភេរវនិយមដ៏ហិង្សា និងភាពជ្រុលនិយមខាងសាសនា ការចាក់ផ្សាយភាពយន្តឯកសារទាំងនេះធ្វើឱ្យមានប្រតិកម្មយ៉ាងខ្លាំងទាំងមជ្ឈដ្ឋានជាតិនិងអន្តរជាតិ ។
ប៉ុន្តែនៅចំពោះការពិតបែបនេះ សមាជិកសភាអាមេរិកមួយចំនួនបែរជាបានមួលបង្កាច់ការងារប្រឆាំងភេរវកម្មនិងគោលនយោបាយលុបបំបាត់សកម្មភាពជ្រុលនិយមនៃតំបន់ ស៊ីនជាំងទៅវិញ ជាងនេះទៅទៀត បុគ្គលទាំងនេះបានធ្វើសកម្មភាពញុះញង់ពួកឧទ្ទាមភេរវនិយមនិងជ្រុលនិយមដោយប្រើប្រាស់ស្តង់ដារពីរ ការពិតជាក់ស្តែងបានបង្ហាញឱ្យឃើញថា បុគ្គលទាំងនេះបានក្លាយទៅជាអ្នកនាំពាក្យរបស់ពួកឧទ្ទាមភេរវកម្មទៅហើយ ទោះមានឬគ្មានចេតនាក៏ដោយ ! ទង្វើរបស់ពួកគេបានបំពានយ៉ាងធ្ងន់ធ្ងរនូវគុណធម៌និងសតិសម្បជញ្ញៈរបស់មនុស្សជាតិ ។
ទោះបីជាប្រទេសចិនបានចាក់ផ្សាយភាពយន្តឯកសារដែលបានបង្ហាញនូវទិដ្ឋភាពជាក់ស្តែងនៃការងារប្រឆាំងភេរវកម្មនៅតំបន់ស៊ីនជាំងក៏ដោយ ប៉ុន្តែសមាជិកសភាទាំងនោះនៅតែធ្វើមិនឃើញធ្វើមិនឮ ។ បើមើលតាមពាក្យសម្តីនិងសកម្មភាពរបស់ពួកគេកន្លងមក តាមពិតទៅ ពួកគេបានក្លាយជាអ្នកសមគំនិតជាមួយពួកឧទ្ទាមភេរវកម្មទៅហើយ ៕
