កាលពីថ្ងៃទី៥ខែវិចិ្ឆកាតាមម៉ោងក្រុងប៉ារីស ក្រសួងហិរញ្ញវត្ថុចិនបានចេញផ្សាយប័ណ្ណបំណុលប្រាក់អឺរ៉ូក្នុងចំនួនទឹកប្រាក់៤ពាន់លានអឺរ៉ូជាផ្លូវការនៅក្រុងប៉ារីសប្រទេសបារាំង ។
ក្រសួងហិរញ្ញវត្ថុចិនបានឱ្យដឹងថា វិនិយោគិនអន្តរជាតិបានចុះឈ្មោះជាវប័ណ្ណបំណុលនេះយ៉ាងសកម្ម ហើយទឹកប្រាក់នៃការទិញសរុបចំនួនជាង២ម៉ឺនលានអឺរ៉ូដែល៥៧ភាគរយគឺមកពីទ្វីបអឺរ៉ុប និង៤៣ភាគរយទៀតក្រៅពីទ្វីបអឺរ៉ុប ។ វិនិយោគិនគ្រប់ប្រភេទ និងមកពីគ្រប់ទីកន្លែង ។ ចំពោះលទ្ធផលនៃការចេញផ្សាយគឺល្អជាងការរំពឹងទុក ។
នេះគឺជាលើកទីមួយដែលរដ្ឋាភិបាលចិនចេញផ្សាយប័ណ្ណបំណុលប្រាក់អឺរ៉ូក្នុងរយៈពេល១៥ឆ្នាំកន្លងទៅ ដោយបញ្ចេញសញ្ញាបើកទូលាយកម្រិតខ្ពស់គ្រប់ជ្រុងជ្រោយរបស់ចិនចំពោះទីផ្សារអន្តរជាតិ ហើយមានអត្ថន័យសំខាន់និងយូរអង្វែងសម្រាប់ជំរុញប្រទេសចិនចូលក្នុងទីផ្សារហិរញ្ញវត្ថុអន្តរជាតិកាន់តែស៊ីជម្រៅ ។
