ពេលផ្តល់បទសម្ភាសន៍ជាមួយអ្នកសារព័ត៌មានកាលពីពេលថ្មីៗនេះ លោកស្រី Khemmani Pholsena រដ្ឋមន្ត្រីឧស្សាហកម្មនិងពាណិជ្ជកម្មនៃប្រទេសឡាវដែលអញ្ជើញចូលរួមពិព័រណ៍នាំចូលចិនអន្តរជាតិលើកទី ២ នៅក្រុងសៀងហៃ ប្រទេសចិនបានថ្លែងថា ពិព័រណ៍នាំចូលចិនអន្តរជាតិមានសារៈសំខាន់ក្រៃលែងចំពោះកំណើនសេដ្ឋកិច្ចពិភពលោក ។ លោកស្រីមានការស្ងើចសរសើរយ៉ាងខ្លាំងចំពោះការកែលម្អបរិយាកាសអាជីវកម្មរបស់ចិន។
លោកស្រីបានថ្លែងថា សេដ្ឋកិច្ចពិភពលោកនាពេលបច្ចុប្បន្ននេះបានធ្លាក់ចុះ ហើយបានជួបបញ្ហាលំបាកជាច្រើន ។ នៅក្រោមបរិបទបែបនេះ ប្រទេសចិននៅតែបន្តពង្រីកភាពបើកទូលាយ ពោលគឺ ពិព័រណ៍នាំចូលចិនអន្តរជាតិបានផ្តល់វេទិកាដ៏ល្អមួយដល់សហគ្រាសនៃបណ្តាប្រទេសនានាលើពិភពលោកក្នុងការធ្វើពាណិជ្ជកម្មទំនិញនិងកិច្ចសហប្រតិបត្តិការពាណិជ្ជកម្ម។ វាមានសារៈសំខាន់ក្រៃលែងចំពោះកំណើនសេដ្ឋកិច្ចពិភពលោក ។
ឆ្នាំនេះជាលើកទី ២ ហើយដែលប្រទេសឡាវចូលរួមពិព័រណ៍នេះ ដោយបាននាំមកនូវផលិតផលពិសេសដូចជាអង្ករ តែឡាវ កាហ្វេ និង គ្រឿងសង្ហារឹមជាដើម ៕