កាលពីថ្ងៃទី ៥ ខែវិច្ឆិកា នៅក្រុងសៀងហៃ លោកស៊ីជីនភីង ប្រធានរដ្ឋចិនបានអញ្ជើញទៅទស្សនាពន្លាពិព័រណ៍នាំចូលចិនអន្តរជាតិលើកទី ២ជាមួយបណ្តាមេដឹកនាំអន្តរជាតិនានាបន្ទាប់ពីចូលរួមពិធីសម្ពោធបើកពិព័រណ៍នេះ ។
លោកស៊ីជីនភីង បានបញ្ជាក់ថា ផលិតផលពិសេសរបស់ប្រទេសនានាមានកម្លាំងប្រកួតប្រជែងយ៉ាងខ្លាំង ស្វាគមន៍ប្រទេសនានាបង្កើនការផ្សព្វផ្សាយតាមរយៈពិព័រណ៍នាំចូលចិនអន្តរជាតិ នេះអាចជួយបំពេញតម្រូវការរបស់ប្រជាជនចិនឱ្យមានជីវភាពរស់នៅកាន់តែល្អប្រសើរ ជាជម្រើសមួយដែលផ្តល់ផលប្រយោជន៍ដល់គ្នាទៅវិញទៅមក ។
មេដឹកនាំជាតិចិននិងអន្តរជាតិបានអញ្ជើញទស្សនាពន្លាពិព័រណ៍នៃតំបន់ចិនតៃវ៉ាន់ ម៉ាកាវនិងហុងកុងផងដែរ ។
មេដឹកនាំនៃបណ្តាប្រទេសនានាបានវាយតម្លៃខ្ពស់ចំពោះពិព័រណ៍នាំចូលចិនអន្តរជាតិ ដោយរំពឹងទុកថា តាមរយ
ៈពិពិរណ៍លើកនេះអាចជំរុញកិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មទ្វេភាគីឱ្យវិវឌ្ឍន៍ទៅមុខថែមមួយកម្រិតទៀត។ មេដឹកនាំទាំងអស់សុទ្ធតែបង្ហាញនូវសុទិដ្ឋិនិយមចំពោះការអភិវឌ្ឍរបស់ចិននិងការកសាងគំនិតផ្តួចផ្តើមស្តីពី “ខ្សែក្រវាត់និងផ្លូវ” ហើយរំពឹងថានឹងទទួលបានភាពរុងរឿងរួមជាមួយចិន ។