ថ្ងៃទី៥ខែវិច្ឆិកា លោកស៊ីជីនភីងប្រធានរដ្ឋចិនបានថ្លែងថា ប្រទេសចិននឹងបន្តជំរុញការរួមគ្នាកសាងខ្សែក្រវាត់និងផ្លូវ ប្រកាន់ខ្ជាប់គោលការណ៍ស្តីពីការពិភាក្សាជាមួយគ្នា រួមគ្នាកសាងនិងចែករំលែកជាមួយគ្នា ប្រកាន់ខ្ជាប់ទស្សនៈស្តីពីការបើកទូលាយ បៃតងនិងស្អាតស្អំ ធ្វើកិច្ចខិតខំប្រឹងប្រែងដើម្បីសម្រេចគោលដៅស្តង់ដាខ្ពស់ មានអំណោយផលដល់ជីវភាពរស់នៅរបស់ប្រជាជននិងជានិរន្តរភាព ក៏ដូចជាជំរុញកិច្ចកសាងខ្សែក្រវាត់និងផ្លូវឱ្យវិវឌ្ឍរីកចម្រើនប្រកបដោយគុណភាពខ្ពស់ផងដែរ ។
បច្ចុប្បន្ន ប្រទេសចិនបានចុះហត្ថលេខាលើឯកសារសហប្រតិបត្តិការអំពីការរួមគ្នាកសាងខ្សែក្រវាត់និងផ្លូវចំនួន១៩៧ច្បាប់ជាមួយប្រទេសចំនួន១៣៧និងអង្គការអន្តរជាតិចំនួន៣០ ៕