ពិព័រណ៍នាំចូលចិនអន្តរជាតិបានសម្ពោធបើកនៅថ្ងៃទី ៥ ខែវិច្ឆិកានេះ។ ពេលអញ្ជើញថ្លែងសុន្ទរកថាក្នុងពិធីសម្ពោធ លោក ស៊ី ជីនភីង ប្រធានរដ្ឋចិនបាអំពាវនាវដល់បណ្តាប្រទេសនានា ឱ្យរួមគ្នាកសាងសេដ្ឋកិច្ចពិភពលោកដែលប្រកបដោយកិច្ចសហប្រតិបត្តិការបែបបើកទូលាយ ច្នៃប្រឌិតថ្មីបែបបើកទូលាយ និងចែករំលែកគ្នាបែបបើកទូលាយ ហើយលោកបានសន្យាថា ប្រទេសចិននឹងបន្តជំរុញការបើកទូលាយដែលប្រកបដោយប្រកម្រិតកាន់តែខ្ពស់ថែមទៀត។
សុន្ទរកថារបស់លោក ស៊ី ជីនភីង បានបង្ហាញយ៉ាងពេញលេញថា ប្រទេសចិនបានខិតខំប្រឹងប្រែងក្នុងការជំរុញកិច្ចសហប្រតិបត្តិការអន្តរជាតិស្តីពីគំនិតផ្តួចផ្តើម “ខ្សែក្រវាត់និងផ្លូវ”យ៉ាងសកម្ម ក៏ដូចជាការរួមគ្នាបង្កើតសេដ្ឋកិច្ចពិភពលោកបែបបើកទូលាយ។
ក្នុងនាមជាពិព័រណ៍ថ្នាក់ជាតិដោយផ្តោតលើ«ការនាំចូលពីពិភពលោក»ជាប្រធានបទទីមួយលើលោក ពិព័រណ៍នាំចូលចិនអន្តរជាតិបានបង្ហាញនូវលក្ខណៈពិសេសដ៏ទូលំទូលាយ និងមានប្រសិទ្ធិភាពខ្ពស់ ។ ពិព័រណ៍នាំចូលចិនអន្តរជាតិលើកទី ២ នេះ មានទ្រង់ទ្រាយធំជាង និងគុណភាពខ្ពស់ជាងពិព័រណ៍លើកមុន ។ ជឿជាក់ថា ពិព័រណ៍នេះអាចនឹងផ្តល់នូវកាលានុវត្តភាពទីផ្សារ , កាលានុវត្តភាពបណ្តាក់ទុន , កាលានុវត្តភាពកំណើនកាន់តែច្រើនដល់បណ្តាប្រទេសនានាដែលចូលរួម ថែមទាំងនឹងបញ្ចូលកម្លាំងចលករថ្មីដល់ការងើបឡើងវិញនៃសេដ្ឋកិច្ចពិភពលោកទៀតផង!