ថ្ងៃទី ៥ ខែវិច្ឆិកា ថ្លែងក្នុងសុន្ទរកថាគន្លឹះក្នុងពិធីបើកពិព័រណ៍នាំចូលចិនអន្តរជាតិលើកទីពីរ លោក ស៊ី ជីនភីង ប្រធានរដ្ឋចិនបានប្រកាសពីវិធានការ៥ចំណុចរបស់ប្រទេសចិនសម្រាប់ជំរុញការបើកទូលាយប្រកបដោយកម្រិតកាន់តែខ្ពស់ ក្នុងនោះបូករួមទាំង ការបន្តបើកទូលាយទីផ្សារ បន្តការលម្អនិម្មាមនកម្មបើកទូលាយ បន្តកែលម្អបរិយាកាសប្រកបអាជីវកម្ម បន្តធ្វើឱ្យកិច្ចសហប្រតិបតិ្តការពហុភាគីនិងទ្វេភាគីមានភាពកាន់តែស៊ីជម្រៅ និងបន្តជំរុញការរួមគ្នាកសាង “ខ្សែក្រវាត់និងផ្លូវ” ។
លោក ស៊ី ជីនភីង បានបង្ហាញពីការជឿជាក់ថា អនាគតអភិវឌ្ឍន៍នៃសេដ្ឋកិច្ចចិនពិតជានឹងមានភាពកាន់តែភ្លឺស្វាងជាមិនខាន ប្រាកដជាកាន់តែភ្លឺស្វាងថែមទៀតជាមិនខាន ។
លោក ស៊ី ជីនភីង បានថ្លែងទៀតថា បើមើលពីប្រវត្តិសាស្ត្រដ៏យូរលង់ ការអភិវឌ្ឍរបស់ប្រទេសចិនជាបុព្វហេតុដ៏មហិមានៃការវិវឌ្ឍរីកចម្រើនរបស់មនុស្សជាតិ ។ ប្រទេសចិននឹងត្រដាងដៃទាំងសងខាង ក្នុងន័យផ្តល់កាលានុវត្តភាពទីផ្សារ កាលានុវត្តភាពបណ្តាក់ទុន និងកាលានុវត្តភាពកំណើនកាន់តែច្រើនដល់បណ្តាប្រទេសនានា ដើម្បីសម្រេចបាននូវការអភិវឌ្ឍរួមគ្នា ៕