ថ្ងៃទី ៥ ខែវិច្ឆិកា ក្នុងពិធីបើកពិព័រណ៍នាំចូលចិនអន្តរជាតិលើកទីពីរ លោក ស៊ី ជីនភីង ប្រធានរដ្ឋចិនបានអំពាវនាវឱ្យបណ្តាប្រទេសនានារួមគ្នាកសាងសេដ្ឋកិច្ចពិភពលោកដែលប្រកបដោយកិច្ចសហប្រតិបតិ្តការដែលបើកទូលាយ ការច្នៃប្រឌិតថ្មីដែលបើកទូលាយ និងការចែករំលែកគ្នាដែលបើកទូលាយ ។
លោកបានថ្លែងទៀតថា ឈរនៅទីចាប់ផ្តើមថ្មីនៃប្រវត្តិសាស្ត្រ ទ្វាររបស់ប្រទេសចិននឹងបើកទូលាយកាន់តែធំថែមទៀត ។ ប្រទេសចិននឹងប្រកាន់ខ្ជាប់គោលនយោបាយមូលដ្ឋានស្តីពីការបើកទូលាយចំពោះបរទេស ប្រកាន់ខ្ជាប់ការបើកទូលាយក្នុងន័យជំរុញកំណែទម្រង់ ការអភិវឌ្ឍនិងនវានុវត្តន៍ ដើម្បីជំរុញការបើកទូលាយដែលប្រកបដោយកម្រិតកាន់តែខ្ពស់ជាបន្តបន្ទាប់ ៕