យោងតាមអ្នកនាំពាក្យក្រសួងពាណិជ្ជកម្មចិននាព្រឹកថ្ងៃទី ២៩ ខែតុលាបានឱ្យដឹងថា សហគ្រាសសហរដ្ឋអាមេរិកដែលបានចុះឈ្មោះចូលរួមពិព័រណ៍នាំចូលចិនអន្តរជាតិលើកទី ២ ខាងមុខនេះមានចំនួនដល់ទៅ ១៩២ បានកើនឡើងចំនួន 18% បើប្រៀបធៀបនឹងពិព័រណ៍លើកទី១។ សហគ្រាសអាមេរិកបានជួលផ្ទៃដីសម្រាប់តាំងពិព័រណ៍ក្នុងទំហំធំបំផុតជាង៤.៧ ម៉ឺនម៉ែត្រការេ ។ ព្រមពេលជាមួយគ្នានេះ សហគ្រាសអាមេរិកភាគច្រើនបានចាត់ចែងឱ្យនាយកគ្រប់គ្រងជាន់ខ្ពស់ដឹកនាំគណៈប្រតិភូមកចូលរួមពិព័រណ៍នៅចិន ។ នេះមានន័យថា ទីផ្សារចិនក៏ដូចជាពិព័រណ៍នាំចូលចិនអន្តរជាតិមានភាពទាក់ទាញយ៉ាងខ្លាំងចំពោះសហគ្រាសសហរដ្ឋអាមេរិក៕