ចាប់ពីថ្ងៃទី ៥ ដល់ថ្ងៃទី ១០ ខែវិច្ឆិកា ពិព័រណ៍នាំចូលចិនអន្តរជាតិលើកទី ២ នឹងធ្វើឡើងនៅមជ្ឈមណ្ឌលសន្និសីទនិងពិព័រណ៍ជាតិក្រុងសៀងហៃ។
សូមបញ្ជាក់ថា ពិព័រណ៍នាំចូលចិនអន្តរជាតិលើកទី ២ ត្រូវបានបែងចែកជាបីផ្នែកធំៗពោលគឺ៖ 1-ពិព័រណ៍ចម្រុះសម្រាប់ប្រទេសនានា 2-ពិព័រណ៍ពាណិជ្ជកម្មសម្រាប់សហគ្រាស និងទី 3-វេទិកាសេដ្ឋកិច្ចអន្តរជាតិHongqiao.។
ប្រទេសចំនួន ៦៤ និងអង្គការអន្តរជាតិចំនួន ៣ នឹងចូលរួមពិព័រណ៍ចម្រុះសម្រាប់ប្រទេសនានា ដើម្បីបង្ហាញជាទូទៅនូវសមត្ថភាពនិងស្ថានភាពនៃការអភិវឌ្ឍន៍របស់ខ្លួនក្នុងវិស័យពាណិជ្ជកម្មនិងវិនិយោគ។ ប្រទេសកិត្តិយសប្រចាំឆ្នាំនេះមានចំនួន ១៥ រួមមាន ប្រទេសកម្ពុជា បារាំង អ៊ីតាលី ម៉ាឡេស៊ី ថៃ រុស្ស៊ីជាដើម។
សហគ្រាសចំនួនជាង ៣០០០ មកពីប្រទេសនិងតំបន់ជាង ១៥០ នឹងចូលរួមពិព័រណ៍ពាណិជ្ជកម្មសម្រាប់សហគ្រាសលើកនេះ ។ សម្រាប់តំបន់តាំងពិព័រណ៍វិញត្រូវបានបែងចែកជា ៧ ផ្នែកធំៗគឺ ជីវភាពរស់នៅ រថយន្ត ឧបករណ៍សម្ភារៈផ្នែកឧស្សាហកម្មនិងវេជ្ជសាស្ត្រ ឱសថ ការថែរក្សាសុខភាព ពាណិជ្ជកម្មសេវាកម្ម ម្ហូបអាហារនិងកសិកម្ម។
ក្រៅពីនេះ ពិព័រណ៍នាំចូលចិនអន្តរជាតិលើកទី ២ នឹងបង្កើតនូវសាលពិព័រណ៍ថ្មីសម្រាប់ផលិតផលគ្រឿងឧបភោគបរិភោគ តំបន់បេតិកភណ្ឌវប្បធម៌អរូបី តំបន់កីឡាលើទឹកកកជាដើម។ គុណភាពនៃការតាំងពិព័រណ៍ត្រូវបានលើកកម្ពស់។
