ថ្ងៃទី២៩ខែតុលា ក្រសួងពាណិជ្ជកម្មចិនបានរៀបចំសន្និសីទសារព័ត៌មានក្រោមវត្តមានរបស់លោកWangBinnanប្រធានការិយាល័យនៃគណៈកម្មាធិការរៀបចំពិព័រណ៍នាំចូលចិនអន្តរជាតិនិងជាអនុរដ្ឋមន្រ្តីក្រសួងពាណិជ្ជកម្មចិនដោយបានជូនដំណឹងអំពីសភាពការណ៍ពាក់ព័ន្ធនឹងការអញ្ជើញចូលរួមពិព័រណ៍នាំចូលចិនអន្តរជាតិលើកទី២របស់លោកស៊ីជីនភីងប្រធានរដ្ឋចិន ព្រមទាំងឆ្លើយសំណួររបស់អ្នកសារព័ត៌មាន ។
លោកWangBinnanបានថ្លែងថា ពិព័រណ៍នាំចូលចិនអន្តរជាតិលើកទី២នឹងប្រព្រឹត្តិទៅនៅក្រុងសៀងហៃពីថ្ងៃទី៥ដល់១០ខែវិច្ឆិកាខាងមុខ ។ លោកស៊ីជីនភីងនឹងអញ្ជើញចូលរួមពិធីសម្ពោធបើកនិងសកម្មភាពពាក់ព័ន្ធនៃពិព័រណ៍នាំចូលចិនអន្តរជាតិលើកទី២និងវេទិកាសេដ្ឋកិច្ចអន្តរជាតិHongqiaoដែលនឹងប្រារព្ធធ្វើនៅក្រុងសៀងហៃ ព្រមទាំងថ្លែងសុន្ទរកថាគន្លឹះ ៕
