ក្រុមហ៊ុនផលិតគ្រឿងសង្ហារឹមដ៏ល្បីរបស់អឺរ៉ុប KIC នឹងបង្ហាញនូវផ្ទះបាយបើកទូលាយបែប Y Counter Space ទីមួយលើលោកក្នុងឱកាសពិព័រណ៍នាំចូលចិនអន្តរជាតិលើកទី២។
លោក Nicolas Hercon អគ្គនាយកទ្វីបអឺរ៉ុបនៃក្រុមហ៊ុនKIC ដែលជាអ្នកក្រុមហ៊ុនផលិតគ្រឿងសង្ហារឹមល្បីល្បាញលើលោកបានប្រាប់អ្នកកាសែតថា ពិព័រណ៍នាំចូលចិនអន្តរជាតិជាពិព័រណ៍នាំចូលទ្រង់ទ្រាយធំបំផុតលើលោក មានឥទ្ធិពលផ្សព្វផ្សាយយ៉ាងខ្លាំងក្លា និងបានផ្តល់ឱកាសដ៏ល្អមួយដល់បណ្តាផលិតកម្មអឺរ៉ុបដែលមានបំណងចូលទីផ្សារចិន។ ថែមពីនេះទៀត ម៉ាកអឺរ៉ុបក៏ទទួលបានផលប្រយោជន៍ជាច្រើនពីការចូលរួមកសាងគំនិតផ្តួចផ្តើម “ខ្សែក្រវាត់និងផ្លូវ” ផងដែរ។
