តាមការទម្លាយពីគយក្រុងសៀងហៃកាលពីថ្ងៃទី២៤ខែតុលាឱ្យដឹងថា រថយន្តបុរាណ៥គ្រឿងដែលមានតម្លៃ៥លាន៤សែន៥ម៉ឺន៧ពាន់ដុល្លារអាមេរិកដែលជាវត្ថុតាំងពិព័រណ៍ដ៏ទាក់ទាញបំផុតនៃពិព័រណ៍នាំចូលចិនអន្តរជាតិលើកទីពីរបានចូលដែនប្រទេសចិន ហើយគយចិនបានសម្របសម្រួលសម្រាប់រថយន្តបុរាណទាំងនេះ ។
រថយន្តបុរាណ៥គ្រឿងនេះមកពីក្រុមហ៊ុនលក់រថយន្តបុរាណ Bundonthe Boulevard របស់សហរដ្ឋអាមេរិក ក្នុងនោះ រថយន្តស្ព័រដ៏ចំណាស់បំផុតគឺមានប្រវត្តិជាង១០០ឆ្នាំមកហើយ ។
នាពេលថ្មីៗកន្លងទៅនេះ ពិព័រណ៍នាំចូលចិនអន្តរជាតិលើកទីពីរបានចាប់ផ្តើមដំណើរការរៀបចំការតាំងពិព័រណ៍ហើយ ។ ផ្នែកគយនៃព្រលានយន្តហោះអន្តរជាតិភូតុងបានថ្លែងថា នឹងចាត់វិធានការនិងមធ្យោបាយជាច្រើនដើម្បីធានាឱ្យពិព័រណ៍នាំចូលចិនអន្តរជាតិដំណើរការដោយរលូន ។
