កាលពីពេលព្រឹកថ្ងៃទី ២៤ ខែតុលាតាមម៉ោងក្រុងប៉េកាំង ធនាគារពិភពលោកបានប្រកាសពី « របាយការណ៍ស្តីពីបរិយាកាសពាណិជ្ជកម្មពិភពលោកឆ្នាំ ២០២០ »។ ចំណាត់ថ្នាក់បរិយាកាសពាណិជ្ជកម្មចិនបានកើនឡើងដល់ទី ៣១ លើពិភពលោក ជាតួអង្គសេដ្ឋកិច្ចមួយក្នុងចំណោមតួអង្គសេដ្ឋកិច្ចធំទាំង ១០ ដែលមានការកែលម្អបរិយាកាសពាណិជ្ជកម្មយ៉ាងខ្លាំងបំផុតលើពិភពលោកក្នុងរយៈពេល ២ ឆ្នាំជាប់គ្នា ។
លោក Martin Raiser ប្រធាននៃផ្នែកកិច្ចការចិននៃធនាគារពិភពលោកបានថ្លែងថា ប្រទេសចិនបានធ្វើកិច្ចខិតខំប្រឹងប្រែងជាច្រើនដើម្បីកែលម្អបរិយាកាសពាណិជ្ជកម្មក្នុងស្រុកសម្រាប់សហគ្រាសធុនតូចនិងមធ្យម និងបានធ្វើកំណែទម្រង់យ៉ាងវិជ្ជមាន ហើយទទួលបានវឌ្ឍនភាពគួរឱ្យកត់សម្គាល់នៅលើសន្ទស្សន៍បរិយាកាសពាណិជ្ជកម្មជាច្រើន ។
