កាលពីថ្ងៃទី ២២ ខែតុលា ក្រសួងឧស្សាហកម្មនិងព័ត៌មានវិទ្យាចិនបានប្រកាសទិន្នន័យឱ្យដឹងថា ចាប់ពីត្រីមាសទី១ ដល់ទី ៣ នាឆ្នាំ ២០១៩ នេះ សេដ្ឋកិច្ចឧស្សាហកម្មរបស់ប្រទេសចិនដំណើរការយ៉ាងរលូនល្អនិងមានស្ថិរភាព ហើយតម្លៃបន្ថែមនៃឧស្សាហកម្មធុនធំទូទៅប្រទេសបានកើនជាង 5.6 % បើប្រៀបធៀបនឹងរយៈពេលដូចគ្នានាឆ្នាំ ២០១៨។ ក្នុងនោះ ចំនួនវិនិយោគក្នុងវិស័យឧស្សាហកម្មផលិតកម្មផ្នែកបច្ចេកវិទ្យាខ្ពស់របស់ចិនបានកើនឡើង 12.6% បើប្រៀបធៀបនឹងរយៈពេលដូចគ្នានាឆ្នាំទៅមិញ។
ទីភ្នាក់ងារព័ត៌មានចិនស៊ិនហួរបានចេញផ្សាយអត្ថបទវិភាគមួយនាថ្ងៃដដែលថា ទិន្នន័យ ក្នុងអត្រា 12.6% នេះ បានឆ្លុះបញ្ចាំងឱ្យឃើញពីការប្រមូលផ្តុំឥតឈប់ឈរនៃកម្លាំងចលករខាងការច្នៃប្រឌិតថ្មីរបស់ប្រទេសចិន។
អត្ថបទនេះបានឱ្យដឹងថា នេះមិនត្រឹមតែតំណាងឱ្យល្បឿននៃការផលិតដ៏ជឿនលឿនរបស់ចិនប៉ុណ្ណោះទេ ថែមទាំងបានឆ្លុះបញ្ចាំងពីការជឿជាក់លើទីផ្សារផងដែរ។ ចិនមានទំហំទីផ្សារដ៏ធំសម្បើម មានចំនួនតួអង្គទីផ្សាររាប់រយលាន។ ជាមួយនឹងការលេចចេញនូវលទ្ធផលផ្នែកច្នៃប្រឌិតថ្មី សេដ្ឋកិច្ចចិនច្បាស់ជានឹងបញ្ចេញនូវកម្លាំងចលករកាន់តែខ្លាំងថែមទៀត៕