«របាយការណ៍ការងារនៃក្រុមប្រឹក្សាកិច្ចការរដ្ឋចិន ស្តីពីការពន្លឿនការផ្លាស់ប្តូររូបមន្តអភិវឌ្ឍពាណិជ្ជកម្មបរទេស និងជំរុញឱ្យពាណិជ្ជកម្មអភិវឌ្ឍដោយមានគុណភាពខ្ពស់»ត្រូវបានដាក់ជូនឱ្យគណៈកម្មាធិការអចិន្ត្រៃយ៍សភាតំណាងប្រជាជនទូទាំងប្រទេសចិនអាណត្តិទី ១៣ ធ្វើការពិនិត្យពិភាក្សានៅថ្ងៃទី ២៣ ខែតុលា នេះ។
របាយការណ៍នេះបានបង្ហាញថា កាលពីឆ្នាំ ២០១៨ ចិនបានរៀបចំធ្វើពិព័រណ៍នាំចូលចិនអន្តរជាតិលើកទី ១ ដោយជោគជ័យ ។ ក្នុងនោះ ប្រទេស/តំបន់ និងអង្គការអន្តរជាតិចំនួន ១៧២ និងសហគ្រាសចំនួនជាង ៣៦០០ បានចូលរួម, មនុស្សចំនួន ៨ សែននាក់បានពិភាក្សាពីការទិញលក់ ហើយទឹកប្រាក់ទទួលបានមានចំនួនដល់ទៅ 57800 លានដុល្លាអាមេរិក។
របាយការណ៍នេះបានបង្ហាញថា ទំហំទឹកប្រាក់ដែលទទួលបានពីពាណិជ្ជកម្មអនឡាញឆ្លងដែនរបស់ចិនក្នុងឆ្នាំ ២០១៨ មានចំនួន20280 លានដុល្លាអាមេរិក បានកើនឡើង 52.3 % បើប្រៀបធៀបនឹងរយៈពេលដូចគ្នានាឆ្នាំទៅមិញ។
របាយការណ៍នេះបានបង្ហាញឱ្យដឹងទៀតថា ប្រទេសចិនបានពន្លឿនការកសាងតំបន់ពាណិជ្ជកម្មសេរី ហើយបានចុះហត្ថលេខាលើកិច្ចព្រមព្រៀងអំពីពាណិជ្ជកម្មសេរីចំនួន 17 ជាមួយប្រទេសនិងតំបន់ចំនួន 25។ កាលពីឆ្នាំ ២០១៨ ទឹកប្រាក់នាំចេញនាំចូលរវាងចិននិងដៃគូពាណិជ្ជកម្មសេរីមានចំនួនសរុបប្រហែល 529000 លានដុល្លាអាមេរិក បានកើនឡើង11.7 % បើប្រៀបធៀបនឹងរយៈពេលដូចគ្នានាឆ្នាំទៅមិញ។ កាលពីខែមករាដល់ខែកក្កដាឆ្នាំ ២០១៩ នេះ ចំនួនទឹកប្រាក់ទូទាត់ឆ្លងដែនដោយប្រាក់យាន់ចិនមានជាង ១០ ទ្រីលានយាន់ប្រាក់ចិន៕