នៅសល់ ១៣ ថ្ងៃទៀតប៉ុណ្ណោះ ពិព័រណ៍នាំចូលចិនអន្តរជាតិ (CIIE) លើកទី ២ នឹងសម្ពោធបើកជាផ្លូវការ។ ថ្ងៃទី ២២ ខែតុលានេះ នាវាយាមល្បាតល្បឿនលឿនប្រភេទ FSD 195 នៃក្រុមហ៊ុន Ferretti ប្រទេសអ៊ីតាលី ដែលជាផលិតផលសម្រាប់តាំងបង្ហាញដំបូងគេនៃពិព័រណ៍លើកនេះត្រូវបានដឹកមកដល់សាលពិព័រណ៍ជាតិចិន(សៀងហៃ) ។ នេះមានន័យថា ពិព័រណ៍នាំចូលចិនអន្តរជាតិលើកទី ២ បានចូលក្នុងដំណាក់កាលដាក់តាំងជាផ្លូវការ។
សូមបញ្ជាក់ថា នេះជាវត្តមានជាលើកទីមួយសម្រាប់នាវាយាមល្បាតល្បឿនលឿនប្រភេទ FSD 195 នៃក្រុមហ៊ុន Ferretti នៅទ្វីអាស៊ី។ នាវានេះត្រូវបានដឹកតាមផ្លូវទឹកពីកំពង់ផែ Genoa ប្រទេសអ៊ីតាលី ដោយចំណាយរយៈពេល ១ ខែទើបមកដល់ក្រុង Qingdao បន្ទាប់មកត្រូវបានដឹកកបន្តតាមផ្លូវគោកមកកាន់ទីក្រុងសៀងហៃ។
ពិព័រណ័នាំចូលចិនអន្តរជាតិលើកទី២នេះបានត្រៀមរួចរាល់ហើយ ដើម្បីផ្តល់នូវសេវាកម្មក្នុងវិស័យជាច្រើន ដូចជាចរាចរណ៍ទំនិញ ម្ហូបអាហារ ការដោះស្រាយកាកសំណល់សំរាម ការងារសុវត្ថិភាពជាដើម ដើម្បីបំពេញតម្រូវការពិសេសរបស់បណ្តាពាណិជ្ជករ និងអ្នកចូលរួមរាប់សែននាក់៕