ពិព័រណ៍នាំចូលចិនអន្តរជាតិលើកទី ២ នឹងធ្វើឡើងនៅដើមខែវិច្ឆិកាខាងមុខនេះ ។ ពិព័រណ៍នេះនឹងផ្តល់ឱកាសដល់សហគ្រាសលើពិភពលោកដើម្បីចូលទីផ្សារចិន និង បង្ហាញពីការបើកទូលាយរបស់ចិន ។
តាមរបាយការណ៍ផ្លូវការបានឱ្យដឹងថា ពិព័រណ៍នាំចូលចិនអន្តរជាតិលើកទី ២ នឹងមានសហគ្រាសជាង ៣ ពាន់ដែលមកពីប្រទេសនិងតំបន់ជាង ១៥០ ចូលរួមក្នុងពិព័រណ៍ពាណិជ្ជកម្ម ក្នុងនោះរួមមានសហគ្រាសជាង ២៥០ ក្នុងចំណោមសហគ្រាសលំដាប់កំពូលទាំង ៥០០ លើពិភពលោកផងដែរ ។ ទំហំនៃសាលពិព័រណ៍មានជាង ៣ សែនម៉ែត្រការ៉េ ធំជាងលើកមុន ។
តាមការប៉ាន់ប្រមាណ ក្នុងរយៈពេល ១៥ ឆ្នាំខាងមុខនេះ ទំហំទឹកប្រាក់នៃការនាំចូលទំនិញនិងសេវាកម្មរបស់ចិននឹងច្រើនជាង ៣០ ទ្រីលានដុល្លារអាមេរិកនិង ១០ ទ្រីលានដុល្លារអាមេរិកដោយឡែកពីគ្នា ។ ដូច្នេះ ទីផ្សារដ៏ធំបែបនេះមានកម្លាំងទាក់ទាញយ៉ាងខ្លាំងចំពោះសហគ្រាសលើពិភពលោក។