នៅព្រឹកថ្ងៃទី ១ ខែតុលា ពិធីអបអរសាទរខួបទី ៧០ ឆ្នាំនៃការបង្កើតសាធារណរដ្ឋប្រជាមានិតចិនបានប្រារព្ធធ្វើយ៉ាងឱឡារិកនៅទីលានធានអានមិនក្រុងប៉េកាំង ។ លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋនិងជាប្រធានគណៈកម្មាធិការយោធាមជ្ឈិមចិនបានថ្លែងសុន្ទរកថាគន្លឹះ ។
នៅក្នុងពិធីនេះមានការរៀបចំធ្វើការត្រួតពលដ៏ឱឡារិក នេះជាការបង្ហាញមុខជាក្រុមជាលើកទី ១ ក្រោយពីកងទ័ពចិនធ្វើកំណែទម្រង់ ដោយមានកម្លាំងទ័ពចូលរួមសរុបប្រហែល ១៥០០០ នាក់ គឺជាពិធីត្រួតពលមានទ្រង់ទ្រាយធំបំផុតក្នុងប៉ុន្មានឆ្នាំចុងក្រោយនេះ ។ បន្ទាប់ពីពិធីត្រួតពល ក៏មានការដង្ហែក្បួនព្យុហយាត្រារបស់មហាជនដែលមានអ្នកចូលរួមប្រហែល ១ សែននាក់ទៀតផង ។
រយៈពេល ៧០ ឆ្នាំកន្លងទៅ ការអភិវឌ្ឍសេដ្ឋកិច្ចនិងសង្គមរបស់ប្រទេសចិនបានធ្វើឱ្យពិភពលោកមានការភ្ញាក់ផ្អើល ដែលបានក្លាយជាតួអង្គសេដ្ឋកិច្ចធំទី ២ ប្រទេសធំទី ១ ខាងពាណិជ្ជកម្មទំនិញនិងខាងរូបិយប័ណ្ណបម្រុង និងជាប្រទេសធំទី ២ ខាងការវិនិយោគអន្តរជាតិលើពិភពលោក អាយុកាលរបស់ប្រជាជនគិតជាមធ្យមបានកើនឡើងពី ៣៥ ឆ្នាំនាឆ្នាំ ១៩៤៩ ដល់ ៧៧ ឆ្នាំនាឆ្នាំ ២០១៨ បានបង្កើតជាប្រព័ន្ធធានាក្នុងសង្គមដ៏ធំបំផុតលើពិភពលោកជាជំហានដំបូង ៕
