អំឡុងរដូវរងាឆ្នាំ១៩៦៦ ប្រព័ន្ធជំនួយខាងវេជ្ជសាស្ត្រនៅជនបទនៃប្រទេសចិនថ្មីត្រូវបានបង្កើតឡើងសាកល្បងនៅភូមិLeyuanស្រុកChangyangទីក្រុងYichangខេត្តHubeiជាលើកដំបូង។ពីរឆ្នាំក្រោយមក ប្រព័ន្ធជំនួយខាងវេជ្ជសាស្ត្រនៅជនបទនៅភូមិLeyuanត្រូវបានចាប់ផ្តើមផ្សព្វផ្សាយនៅទូទាំងប្រទេសដោយផ្តល់អត្ថប្រយោជន៍ដល់កសិករចិនចំនួនរាប់រយលាននាក់។
ចាប់ពីឆ្នាំ២០០៣ ប្រទេសចិនបានចាប់ផ្តើមសាកល្បងប្រព័ន្ធជំនួយខាងវេជ្ជសាស្ត្រនៅជនបទបែបថ្មី។រហូតដល់ឆ្នាំ២០១៦បានតភ្ជាប់ប្រព័ន្ធជំនួយខាងវេជ្ជសាស្ត្រនៅជនបទបែបថ្មីជាមួយនឹងការធានារ៉ាប់រងសុខភាពរបស់និយោជិកនៅទីក្រុង ហើយស្តង់ដារឧបត្ថម្ភធនដែលគ្របដណ្តប់អ្នករស់នៅក្នុងទីក្រុងនិងជនបទចំនួន១៣០០លាននាក់ត្រូវបានលើកកម្ពស់ថែមមួយកម្រិតទៀត។តាមការប៉ាន់ប្រមាណ ប្រទេសចិននឹងសម្រេចបាននូវការធានារ៉ាប់រងផ្នែកវេជ្ជសាស្រ្តគ្របដណ្តប់ជនក្រីក្រទាំងអស់ និងការធានារ៉ាប់រងជំងឺធ្ងន់ៗ ព្រមទាំងសម្រេចអត្រាគ្របដណ្តប់នៃឧបត្ថម្ភធនផ្នែកវេជ្ជសាស្រ្ត១០០ភាគរយ។
