ប្រព័ន្ធផ្កាយរណបស្វែងរកទិសដៅឈ្មោះBeidou នៃប្រទេសចិនបានចាប់ផ្តើមផ្តល់សេវាកម្មដល់ពិភពលោកនៅថ្ងៃទី ២៧ ខែធ្នូ ឆ្នាំ២០១៨ ។ ប្រព័ន្ធផ្កាយរណបស្វែងរកទិសដៅនេះគឺបង្កើតឡើងដោយប្រទេសចិននិងដំណើរការអាជីវកម្មដោយឯករាជ្យ ហើយជាប្រព័ន្ធផ្កាយរណបស្វែងរកទិសដៅលើពិភពលោកមួយដែលអាចមានទំនាក់ទំនងជាមួយប្រព័ន្ធផ្កាយរណបស្វែងរកទិសដៅនៃប្រទេសដទៃទៀត ។
ផ្កាយរណបឈ្មោះBeidou ដំបូងបង្អស់ត្រូវបានបង្ហោះដោយជោគជ័យនៅ ឆ្នាំ២០០០ ។ រហូតដល់ពេលបច្ចុប្បន្ននេះមានផ្កាយរណបឈ្មោះ Beidou ចំនួន ៤៦ គ្រឿង ត្រូវបានបង្ហោះដោយជោគជ័យផងដែរ ។ ប្រព័ន្ធផ្កាយរណបស្វែងរកទិសដៅនៃប្រទេសចិនបានស្នើសុំកម្មសិទ្ធិបញ្ញាចំនួន ៥ ម៉ឺន ៤ ពាន់ករណី ឈរនៅលំដាប់ទីមួយលើពិភពលោក ។
ពេលបច្ចុប្បន្ននេះ នៅក្នុងទូទាំងប្រទេសចិន មានរថយន្តបម្រើសេវាកម្មជាង ៦ លានគ្រឿង រថយន្តប្រៃសណីនិងរថយន្តសម្រាប់ដឹកទំនិញរហ័សចំនួន ៣ ម៉ឺនគ្រឿង ឡានក្រុងប្រមាណ ៨ ម៉ឺនគ្រឿងនៅទីក្រុងជាង ៣០ នៃប្រទេសចិនបានប្រើប្រាស់ប្រព័ន្ធផ្កាយរណបស្វែងរកទិសដៅនេះ ។ ព្រមពេលជាមួយគ្នានេះ ប្រទេសចិនក៏បាននាំចេញផលិតផលបច្ចេកវិទ្យាខ្ពស់នានាទៅកាន់ប្រទេសនិងតំបន់ជាង ៩០ ផងដែរ។
