ក្រុមការងារជួយសង្គ្រោះគ្រោះមហន្តរាយរញ្ជួយដីរបស់ប្រទេសចិន គឺជាក្រុមជួយសង្គ្រោះអន្តរជាតិចិនដែលត្រូវបានបង្កើតឡើងជាផ្លូវការជាលើកដំបូងនៅឆ្នាំ២០០១ ។
អំឡុងប្រទេសអាល់ហ្សេរីបានកើតមានគ្រោះរញ្ជួយដីកម្រិត ៦.៩ រិច្ឆទ័រកាលពីថ្ងៃទី ២២ ខែឧសភា ឆ្នាំ២០០៣ ក្រុមការងារជួយសង្គ្រោះអន្តរជាតិចិនបានចាត់បញ្ជូនក្រុមការងារជួយសង្គ្រោះចំនួន ៣០ នាក់ទៅប្រទេសនោះជាលើកដំបូង ដោយជាលទ្ធផលបានជួយសង្គ្រោះប្រជាពលរដ្ឋអាល់ហ្សេរីដោយជោគជ័យ ។
ក្នុងរយៈពេល ១៨ ឆ្នាំកន្លងទៅនេះ ក្រុមការងារជួយសង្គ្រោះអន្តរជាតិចិនបានចេញទៅបំពេញភារកិច្ចនៅលើផ្ទៃឆាកអន្តរជាតិចំនួនជាង ២០ លើក ដោយបានជួយសង្គ្រោះមនុស្សចំនួន ៦៤ នាក់ និងព្យាបាលអ្នករងរបួសរាប់ម៉ឺននាក់ ។
បន្ទាប់ពីការពិនិត្យនិងវាយតម្លៃពីស្ថាប័នមានពាក់ព័ន្ធនៃអង្គការសហប្រជាជាតិកាលពីឆ្នាំ២០០៩ ក្រុមការងារជួយសង្គ្រោះអន្តរជាតិចិនជាក្រុមការងារជួយសង្គ្រោះអន្តរជាតិក្នុងករណីគ្រោះរញ្ជួយដីធ្ងន់ធ្ងរទី១២លើពិភពលោក និងជាក្រុមការងារជួយសង្គ្រោះដែលខ្លាំងពូកែនៅលើពិភពលោក ។
