ដើម្បីអបអរសាទរខួបទី ៧០ នៃការបង្កើតសាធារណរដ្ឋប្រជាមានិតចិន សកម្មភាពនៃទិវាភាសាចិននៃអង្គការសហប្រជាជាតិក្រោមប្រធានបទស្តីពី“ប្រទេសចិនដ៏ស្រស់ស្អាត ពួតដៃជាមួយពិភពលោក ”បានប្រារព្ធឡើងនៅក្រុងវីយែន ប្រទេសអូទ្រីស កាលពីថ្ងៃទី ៦ ដល់ ថ្ងៃទី៨ ខែឧសភា ។
សកម្មភាពនេះធ្វើឡើងក្នុងគោលបំណងបង្ហាញពីឆន្ទៈរបស់ចិនក្នុងការរួមសហការជាមួយបណ្តាប្រទេសនានាដើម្បីជំរុញសន្តិភាពនិងស្ថិរភាពលើពិភពលោក ។ ក្នុងនោះបានរៀបចំធ្វើសកម្មភាពមួយចំនួនដើម្បីបង្ហាញពីវប្បធម៌ប្រជាជាតិចិន ដូចជាពិព័រណ៍បេតិកភណ្ឌអរូបី ការសម្តែងល្ខោននិងតន្ត្រីបុរាណជាដើម ។
ភាសាចិនជាភាសាផ្លូវការមួយក្នុងចំណោមភាសាផ្លូវការចំនួន ៦នៃអង្គការសហប្រជាជាតិ ។ សូមបញ្ជាក់ថា ផ្នែកផ្សព្វផ្សាយអន្តរជាតិនៃអង្គការសហប្រជាជាតិបានប្រកាសចាប់ដំណើរការនូវទិវាភាសានៃអង្គការសហប្រជាជាតិកាលពីឆ្នាំ ២០១០ ដើម្បីរំលឹករាល់ភាសាការងារនីមួយៗនៃអង្គការសហប្រជាជាតិ ។