ក្នុងសន្និសីទសារព័ត៌មានជាតិនិងអន្តរជាតិនៅក្រុងប៉េកាំងកាលពីថ្ងៃទី ១៥ ខែមីនា លោកលីខឺឈាង នាយករដ្ឋមន្ត្រីចិនបានថ្លែងថា រដ្ឋាភិបាលចិននឹងបន្តបង្កើនការធ្វើកំណែទម្រង់នៃប្រព័ន្ធទីផ្សារនិងការគ្រប់គ្រងបរិយាកាសធ្វើអាជីវកម្មតាមច្បាប់ ព្រមទាំងចាត់វិធានការជាក់ស្តែងដើម្បីទទួលបានលទ្ធិផលនៃការធ្វើកំណែទម្រង់ជាបន្តបន្ទាប់ ។
លោកលីខឺឈាងបានថ្លែងថា ក្នុងរយៈពេល ៤០ឆ្នាំនៃការធ្វើកំណែទម្រង់និងការបើកទូលាយកន្លងទៅនេះ ការអភិវឌ្ឍរបស់ប្រទេសចិនទទួលបានសមិទ្ធផលដ៏អស្ចារ្យ ដែលបានផ្តល់ផលប្រយោជន៍ដល់ប្រជាជនចិនរាប់រយលាននាក់ ។ ការកែលម្អបរិយាកាសសម្រាប់ធ្វើអាជីវកម្ម ត្រូវប្រគល់សិទ្ធិគ្រប់គ្រងនិងគ្រប់គ្រងយ៉ាងសមរម្យ ដើម្បីបង្កើតជា ប្រព័ន្ធគ្រប់គ្រងប្រកបដោយប្រសិទ្ធភាព ។ ត្រូវមានលក្ខខណ្ឌដូចគ្នាចំពោះសហគ្រាសកម្មសិទ្ធិរដ្ឋនិងឯកជន មានស្តង់ដារអនុញ្ញាតឲ្យចូលទីផ្សារដោយសមភាពនិងមានការគ្រប់គ្រងដោយយុត្តិធម៌ ។
លោកក៏បានបញ្ជាក់ទៀតថា ការទាមទារឲ្យសហគ្រាសចិនទៅលួចព័ត៌មានរបស់ប្រទេសផ្សេងទៀត វាមិនសមស្របនឹងច្បាប់ចិនឡើយ ហើយក៏មិនមែនជាមធ្យោបាយប្រតិបត្តិការរបស់ចិនផងដែរ ។ បច្ចុប្បន្ននេះមិនដែលមានទេ ហើយពេលអនាគតរឹតតែមិនមានជាដាច់ខាត ។
