ពេលទទួលបទសម្ភាសន៍ពីប្រព័ន្ធសារព័ត៌មាននាពេលកន្លងទៅថ្មីៗនេះ លោកPiriya Khempon ឯកអគ្គរដ្ឋទូតថៃប្រចាំនៅប្រទេសចិនថ្លែងថា គំនិតផ្តួចផ្តើមស្តីពីខ្សែក្រវាត់មួយនិងផ្លូវមួយនាំមកនូវផលប្រយោជន៍ជាច្រើនដល់ប្រទេសថៃនិងប្រទេសអាស៊ានផ្សេងទៀត អនាគតនៃកិច្ចសហប្រតិបត្តិការរវាងថៃនិងចិននឹងមានភាពកាន់តែទូលំទូលាយ ។ លោករំពឹងថាមហាសន្និបាតសភាទាំងពីរនៃប្រទេសចិនឆ្នាំនេះនឹងដាក់ចេញវិធានការស៊ីជម្រៅនៃគំនិតផ្តួចផ្តើមស្តីពីខ្សែក្រវាត់មួយនិងផ្លូវមួយ ដើម្បីជំរុញឲ្យតំបន់អាស៊ានសម្រេចបាននូវការតភ្ជាប់ផ្នែកឌីជីថល ។
លោកក៏បានយកចិត្តទុកដាក់លើការកសាងមហាតំបន់ឈូងសមុទ្រក្វាងតុង- ហុងកុង- ម៉ាកាវនៃប្រទេសចិន ដោយបានសម្គាល់ថាគួរតែតភ្ជាប់នឹងការកសាងមហាអនុតំបន់ទន្លេមេគង្គ ៕
