ថ្ងៃទី៥ខែមីនា មហាសន្និបាតលើកទី២នៃសភាតំណាងប្រជាជនទូទាំងប្រទេសចិននីតិកាលទី១៣បានបើកធ្វើនៅក្រុងប៉េកាំង។ នៅមុនពេលបើកធ្វើមហាសន្និបាតនៃសភាទាំងពីរ លោក Dmitry ezentsev ប្រធានគណៈកម្មការគោលនយោបាយសេដ្ឋកិច្ចនៃគណៈកម្មាធិការសហព័ន្ធរុស្ស៊ីបានថ្លែងថា មហាសន្និបាតនៃសភាទាំងពីរគឺជាការទ្រទ្រង់ដ៏សំខាន់នៃផែនទីបង្ហាញផ្លូវដ៏មហិមាស្តីពីការធ្វើឱ្យស៊ីជម្រៅនូវកំណែទម្រង់ខាងនយោបាយនិងសេដ្ឋកិច្ចចិន។
លោក Dmitry ezentsevបានថ្លែងថា មហាសន្និបាតនៃសភាទាំងពីរមិនត្រឹមតែជាព្រឹត្តិការណ៍ធំនៃសង្គមនិងនយោបាយចិនប៉ុណ្ណោះទេ ថែមទាំងត្រូវបានពិភពលោកទាំងមូលយកចិត្តទុកដាក់ផងដែរ។ មហាសន្និបាតនៃសភាទាំងពីរក៏បានដើរតួនាទីយ៉ាងសំខាន់ក្នុងការធ្វើឱ្យស៊ីជម្រៅនូវទំនាក់ទំនងសហប្រតិបត្តិការជាយុទ្ធសាស្ត្រគ្រប់ជ្រុងជ្រោយរវាងចិននិងរុស្ស៊ីផងដែរ។ ប្រទេសទាំងពីរនឹងចាត់ទុក”ឆ្នាំផ្លាស់ប្តូរនៃកិច្ចសហប្រតិបត្តិការថ្នាក់តំបន់រវាងចិននិងរុស្ស៊ី”ជាកាលានុវត្តភាព ដើម្បីធ្វើឱ្យស៊ីជម្រៅដោយគ្រប់ជ្រុងជ្រោយនិងបន្តទំនាក់ទំនងរវាងចិននិងរុស្ស៊ីតាមរយៈសមិទ្ធផលជាក់ស្តែង៕
