មហាសន្និបាតលើកទី ២ នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី ១៣ នឹងបើកធ្វើឡើងនៅវិមានប្រជាជនដែលស្ថិតនៅក្រុងប៉េកាំងប្រទេសចិននៅវេលាម៉ោង ៣ ម៉ោងប៉េកាំង នារសៀលថ្ងៃទី ៣ ខែមីនា។
ក្នុងឱកាសនៃការប្រារព្ធធ្វើមហាសន្និបាតនេះ វិទ្យុអន្តរជាតិចិននៃអគ្គស្ថានីយវិទ្យុនិងទូរទស្សន៍មជ្ឈិមចិននឹងធ្វើការផ្សាយបន្តផ្ទាល់ជាសំឡេងដោយភាសាចិនកុកងឺនិងភាសាអង់គ្លេស តាមរយៈវិទ្យុភាសាចិនពិភពលោក និងវិទ្យុភាសាអង់គ្លេសពិភពលោក ។ ជាមួយគ្នានេះ ក៏នឹងផ្សព្វផ្សាយតាមរយៈគេហទំព័រ Chinese.cri.cn , គេហទំព័រ Chinaplus.cri.cn ជាដើម ។ ចំណែកកម្មវិធី APP ឈ្មោះ ChinaPlus ក៏នឹងបង្ហោះព័ត៌មានទាន់ហេតុការណ៍មានពាក់ព័ន្ធផងដែរ។
សម្រាប់គេហទំព័រ www.cri.cn នឹងធ្វើការផ្សាយផ្ទាល់ជាវិដេអូ សម្រាប់កិច្ចដំណើរការមហាសន្និបាតទាំងមូលផងដែរ៕
