ប្រព័ន្ធផ្សព្វផ្សាយសំខាន់ៗ អ្នកជំនាញនិងបញ្ញវន្តពាក់ព័ន្ធនានានៃប្រទេសមីយ៉ាន់ម៉ាបានផ្តោតការយកចិត្តទុកដាក់យ៉ាងខ្លាំងទៅលើសុន្ទរកថារបស់លោកស៊ីជីនភីង ប្រធានរដ្ឋចិនពេលថ្លែងក្នុងមហាសន្និបាតអបអរសាទរខួបទី៤០នៃការអនុវត្តគោលនយោបាយកំណែទម្រង់និងការបើកទូលាយរបស់ប្រទេសចិន ។
លោក Thiha Auang និពន្ធនាយកនៃទស្សនាវដ្តី The Northern Light នៃប្រទេសមីយ៉ាន់ម៉ាបានថ្លែងថា ការអនុវត្តគោលនយោបាយកំណែទម្រង់និងការបើកទូលាយរបស់ប្រទេសចិនក្នុងរយៈពេល ៤០ ឆ្នាំ ទទួលបានសមិទ្ធផលដ៏អស្ចារ្យដែលធ្វើឲ្យពិភពលោកផ្តោតការយកចិត្តទុកដាក់ ។ ការអនុវត្តដោយជោគជ័យនូវគោលនយោបាយកំណែទម្រង់និងការបើកទូលាយរបស់ប្រទេសចិនបានផ្តល់ជាបទពិសោធដ៏មានតម្លៃសម្រាប់ការអភិវឌ្ឍរបស់បណ្តាប្រទេសកំពុងអភិវឌ្ឍន៍និងពិភពលោក ។ ប្រទេសចិននឹងចែករំលែកបច្ចេកវិទ្យាជឿនលឿននិងផ្តល់នូវកាលានុវត្តភាពសម្រាប់ការអភិវឌ្ឍដល់ប្រទេសជិតខាង នេះនឹងជំរុញឲ្យប្រទេសមីយ៉ាន់ម៉ាទទួលបានការរីកចម្រើនយ៉ាងឆាប់រហ័ស ។
