ឥស្សរជនសេដ្ឋកិច្ចនៃប្រទេសអឺរ៉ុបជាច្រើន ដូចជាអង់គ្លេស អាល្លឺម៉ង់និងអ៊ីតាលីជាដើមបានផ្តោតការយកចិត្តទុកដាក់ទៅលើសុន្ទរកថារបស់លោកស៊ីជីនភីង ប្រធានរដ្ឋចិនពេលថ្លែងក្នុងមហាសន្និបាតអបអរសាទរខួបទី៤០នៃការអនុវត្តគោលនយោបាយកំណែទម្រង់និងការបើកទូលាយរបស់ប្រទេសចិន ។ ពួកគេសម្គាល់ថា គំនិតផ្តួចផ្តើម “ ខ្សែក្រវាត់មួយនិងផ្លូវមួយ “នឹងនាំមកនូវកាលានុវត្តភាពនិងកម្លាំងចលករកាន់តែច្រើនសម្រាប់សកលភាវូបនីយកម្ម ។
លោក Gideon Moore អ្នកទទួលខុសត្រូវនៃក្រុមហ៊ុនមេធាវីLinklaters ប្រទេសអង់គ្លេសបានថ្លែងថា កំណែទម្រង់និងការបើកទូលាយរបស់ចិននាពេលអនាគតនឹងដើរតួនាទីសំខាន់ក្នុងទីផ្សារហិរញ្ញវត្ថុពិភពលោក ។ សុន្ទរកថារបស់លោកប្រធានរដ្ឋចិនស៊ីជីនភីងបានបង្ហាញយ៉ាងច្បាស់ថា គំនិតផ្តួចផ្តើម “ ខ្សែក្រវាត់មូយនិងផ្លូវមួយ “ជាអត្ថរសសំខាន់នៃកំណែទម្រង់និងការបើកទូលាយក្នុងយុគសម័យថ្មី គំនិតនេះនឹងនាំមកនូវកាលានុវត្តភាពសម្រាប់ការអភិវឌ្ឍរបស់ប្រទេសនានាលើពិភពលោក ។
លោក Felbemayr បញ្ញវន្តនៃមន្ទីរស្រាវជ្រាវសេដ្ឋកិច្ច Ifo ប្រទេសអាល្លឺម៉ង់បានថ្លែងថា គំនិតផ្តួចផ្តើម “ខ្សែក្រវាត់មួយនិងផ្លូវមួយ “ របស់ចិននឹងនាំមកនូវកាលានុវត្តភាពសម្រាប់ការអភិវឌ្ឍនៃបណ្តាប្រទេសតាមបណ្តោយនានា ហើយសមស្របនឹងនិន្នាការសកលភាវូបនីយកម្មផ្នែកសេដ្ឋកិច្ច ។
