អ្នកកាសែតបានដំណឹងពីក្រសួងពាណិជ្ជកម្មចិនកាលពីថ្ងៃទី ២៥ ខែតុលាថា នៅក្នុងបរិបទនៃបរិយាកាសអន្តរជាតិមានការប្រែប្រួលខ្លាំងក្តី នៅក្នុងត្រីមាសទី១ដល់ទី៣ ឆ្នាំនេះ តម្លៃនៃការនាំចេញនិងនាំចូលសរុបរវាងប្រទេសចិននិងបណ្តាប្រទេសតាមបណ្តោយ “ខ្សែក្រវាត់មួយនិងផ្លូវមួយ” បានលើសពី ៦ ទ្រីលានយាន់ប្រាក់ចិន បានកើនឡើង ១៣ % បើប្រៀបធៀបនឹងរយៈពេលដូចគ្នានាឆ្នាំទៅមិញ។
យោងតាមស្ថិតិបង្ហាញពីអគ្គនាយកដ្ឋានគយចិននាពេលកន្លងនេះបានឲ្យដឹងថា ពីត្រីមាសទី១ដល់ទី៣ក្នុងឆ្នាំ២០១៨នេះ ការនាំចេញនិងនាំចូលរវាងចិននិងសហភាពអឺរ៉ុប អាមេរិក និងអាស៊ានបានកើនឡើងគឺ ៧.៣ % , ៦.៥% និង ១២.៦ % ហើយអត្រាកំណើននៃការនាំចេញនិងនាំចូលរវាងចិននិងប្រទេសតាមបណ្តោយ "ខ្សែក្រវាត់មួយនិងផ្លូវមួយ"មួយចំនួនដូចជារុស្ស៊ី ប៉ូឡូញ កាហ្សាក់ស្ថានជាដើម ក៏មានល្បឿនលឿនជាងកំណើនសរុបដែរ៕
