ក្នុងអំឡុងពេលបំពេញទស្សនកិច្ចនៅប្រទេសម៉ុងហ្គោលីកាលពីពេលថ្មីៗកន្លងទៅនេះ ដែលអមដំណើរដោយលោក DAMDIN TSOGTBAATAR រដ្ឋមន្ត្រីក្រសួងការបរទេសម៉ុងហ្គោលី លោក Wang Yi សមាជិកក្រុមប្រឹក្សាកិច្ចការរដ្ឋចិននិងជារដ្ឋមន្ត្រីក្រសួងការបរទេសចិនបានទៅធ្វើការពិនិត្យនៅនឹងកន្លែងជាពិសេសនៅអាកាសយានដ្ឋានអន្តរជាតិ Chinggis Khaan ក្រុង Ulaanbaatar ។ លោកទាំងពីរក៏បានប្រកាសរួមគ្នានូវការបើកឲ្យប្រើប្រាស់ជាផ្លូវការនៃច្រកចូលងាយស្រួល “ខ្សែក្រវាត់មួយនិងផ្លូវមួយ” នៃអាកាសយានដ្ឋាននេះ។
តាមការណែនាំពីមន្ត្រីក្រសួងការបរទេសម៉ុងហ្គោលីបានឲ្យដឹងថា ការបើកឲ្យប្រើប្រាស់នៃច្រកចូលងាយស្រួល “ខ្សែក្រវាត់មួយនិងផ្លូវមួយ” នឹងជំរុញការផ្លាស់ប្តូរបុគ្គលនិងវិស័យវប្បធម៌មនុស្សជាតិរវាងបណ្តាប្រទេសតាមបណ្តោយខ្សែ ហើយនឹងបង្កើតកាលានុវត្តភាពសម្រាប់ការវិនិយោគនិងកិច្ចសហប្រតិបត្តិការសេដ្ឋកិច្ចនិងពាណិជ្ជកម្មដល់បណ្តាប្រទេសក្នុងតំបន់។ ច្រកនេះមានសារៈសំខាន់ណាស់ក្នុងការអនុវត្តដោយរលូននៃគំនិតផ្តួចផ្តើម “ខ្សែក្រវាត់មួយនិងផ្លូវមួយ”៕
