ឆ្នាំ២០១៨គឺជាខួបទី៥នៃការលើកឡើងនូវគំនិតផ្តួចផ្តើមខ្សែក្រវាត់មួយនិងផ្លូវមួយដោយប្រទេសចិន។រយៈពេល៥ឆ្នាំកន្លងមកនេះ គំនិតផ្តួចផ្តើមខ្សែក្រវាត់មួយនិងផ្លូវមួយទទួលបានការឆ្លើយតបនិងចូលរួមយ៉ាងវិជ្ជមានពីពិភពលោកទាំងមូល កិច្ចកសាងគំនិតផ្តួចផ្តើមខ្សែក្រវាត់មួយនិងផ្លូវមួយនិងទស្សនៈស្នូលស្តីពីការរួមគ្នាពិគ្រោះពិភាក្សា ការកសាងរួមគ្នានិងចែករំលែកជាមួយគ្នាត្រូវបានសរសេរក្នុងឯកសារលទ្ធផលនៃយន្តការអន្តរជាតិសំខាន់ៗដូចជាអង្គការសហប្រជាជាតិជាដើម។សព្វថ្ងៃនេះ រួមទាំងអស់បានមានប្រទេសនិងអង្គការអន្តរជាតិចំនួន១០៣បានចុះហត្ថលេខាលើកិច្ចព្រមព្រៀងសហប្រតិបត្តិការស្តីពីគំនិតផ្តួចផ្តើមខ្សែក្រវាត់មួយនិងផ្លូវមួយចំនួន១១៨ច្បាប់ជាមួយនឹងប្រទេសចិន។
លោកអនុប្រធានការិយាល័យក្រុមដឹកនាំការងារកិច្ចកសាងគំនិតផ្តួចផ្តើមខ្សែក្រវាត់មួយនិងផ្លូវមួយប្រទេសចិនបានថ្លែងក្នុងសន្និសីទកាសែតដែលធ្វើនៅក្រុងប៉េកាំងនាថ្ងៃទី ២៧ខែសីហាថា គម្រោងកិច្ចសហប្រតិបត្តិការមួយចំនួនរវាងចិននិងបរទេសបានទទួលការវិវឌ្ឍគួរឲ្យកត់សម្គាល់។ដូចជាកិច្ចកសាងរបៀងសេដ្ឋកិច្ចរវាងចិននិងប៉ាគីស្ថានបានដំណើរការយ៉ាងរលូន កិច្ចកសាងផ្លូវដែកចិននិងឡាវ ផ្លូវដែកចិននិងថៃជាដើមបានដំណើរការមានភាពនឹងនរ ផ្នែកមួយចំនួននៃផ្លូវរថភ្លើងល្បឿនលឿនពីហ្សាការតាទៅបាន់ឌុងបានចាប់ដំណើរកសាងហើយ កំពង់ផែGawadorមានសមត្ថភាពប្រតិបត្តិការពេញលេញហើយ រថភ្លើងល្បឿនលឿនចិននិងអឺរ៉ុប CHINARAILWAYExpress បានបើកបរលើសពី១ម៉ឺនលើក។
