ថ្ងៃទី២៩ខែតុលា ប្រព័ន្ធសារព័ត៌មានអូស្រ្តាលីបានលាតត្រដាងថា ស្ថានទូតអូស្រ្តាលីប្រចាំនៅបរទេសបានផ្តល់សេវាកម្មដល់បណ្តាញចារកម្មទូទាំងពិភពលោករបស់អាមេរិកដោយចូលរួមការលួចស្តាប់ប្រព័ន្ធទូរស័ព្ទ ស្កាត់យកទិន្ន័យសំខាន់២ខាងទូរគមនាគមន៍តំបន់អាស៊ីប៉ាស៊ីហ្វិកដែលក្នុងនោះពាក់ព័ន្ធដល់ប្រទេសឥណ្ឌូនេស៊ី ម៉ាឡេស៊ី ហ្វីលីពីនថៃនិងវៀតណាមជាដើម។ បន្ទាប់មក រដ្ឋាភិបាលឥណ្ឌូនេស៊ីនិងម៉ាឡេស៊ីបានទាមទារឲ្យអាមេរិកនិងអូស្រ្តាលីធ្វើការបកស្រាយចំពោះរឿងនេះ។ ហ្វីលីពីនក៏បានបង្ហាញថានឹងធ្វើការស៊ើបអង្កេតចំពោះរឿងនេះដែរ។
ថ្ងៃទី១៨ខែវិច្ឆិកា ប្រព័ន្ធសារព័ត៌មានអូស្រា្តលីបានផ្សាយដំណឹងថា ស្ថាប័នស៊ើបការណ៍របស់អូស្រ្តាលីធ្លាប់លួចស្តាប់ប្រព័ន្ធទូរស័ព្ទដៃរបស់មន្រ្តីជាន់ខ្ពស់នៃរដ្ឋាភិបាលឥណ្ឌូនេស៊ីក្នុងនោះរួមមានទាំងលោកSusiloប្រធានាធិបតីឥណ្ឌូនេស៊ីផងដែរ ការនេះបានបណ្តាលឲ្យទំនាក់ទំនងរវាងប្រទេសទាំង២ធ្លាក់ចុះ។ បន្ទាប់មក មានប្រភពព័ត៌មានបានបង្ហើបទៀតថា សិង្ហបុរីធ្លាប់សហការជាមួយអាមេរិកនិងអូស្រ្តាលីធ្វើការលួចស្តាប់ចំពោះឥណ្ឌូនេស៊ីនិងម៉ាឡេស៊ី។ ម៉ាឡេស៊ីបានទាមទារឲ្យសិង្ហបុរីធ្វើការបកស្រាយ តែសិង្ហបុរីបានបដិសេធឆ្លើយតប។