១៣ - រដ្ឋាភិបាលមីយ៉ាន់ម៉ាបានធ្វើការសន្ទនាជាសមូហភាពជាមួយអង្គការប្រដាប់អាវុធជនជាតិភាគតិចជាលើកដំបូងក្នុងរយៈពេល៦០ឆ្នាំរៀងមក
2013-12-12 15:26:39 cri Web Editor:Wang Xing
ពីថ្ងៃទី៤ដល់ទី៥ខែវិច្ឆិកា តំណាងរដ្ឋាភិបាលយ៉ាន់ម៉ាបានធ្វើការសន្ទនាជាសមូហភាពជាមួយតំណាងនៃអង្គការប្រដាប់អាវុធជនជាតិភាគតិចចំនួន១៧ក្រុម។ នេះគឺជាលើកដំបូងហើយដែលរដ្ឋាភិលមីយ៉ាន់ម៉ាបានធ្វើការសន្ទនាជាសមូហភាពជាមួយអង្គការប្រដាប់អាវុធជនជាតិភាគតិចសំខាន់ៗជាលើកដំបូងចាប់តាំងពីរដ្ឋាភិបាលនិងជនជាតិភាគតិចសំខាន់ៗចុះហត្ថលេខាលើកិច្ចព្រមព្រៀងPanglongនាខែកុម្ភៈឆ្នាំ១៩៤៧កន្លងមក ហើយក៏ជាការវិវឌ្ឍន៍ដ៏សំខាន់មួយសម្រាប់ការស្វែងរកការឈប់បាញ់ទាំងស្រុងនិងមានសន្តិភាពជាស្ថាពរ។ មុននេះ អង្គការប្រដាប់អាវុធជនជាតិភាគតិចចំនួន១៧បានបើកធ្វើសន្និសីទកំពូលដើម្បីសម្របសម្រួលគោលជំហរ។ ភាគីទាំង២នឹងធ្វើការសន្ទនាជាថ្មីម្តងទៀតនៅខែធ្នូនេះ។ រដ្ឋាភិបាលមីយ៉ាន់ម៉ាកំពុងខិតខំដើម្បីចុះហត្ថលេខាលើកិច្ចព្រមព្រៀងឈប់បាញ់ទូទាំងប្រទេសជាមួយអង្គការប្រដាប់អាវុធទាំងឡាយ បន្ទាប់មកធ្វើការសន្ទនាខាងនយោបាយក្នុងន័យខិតខំសម្រេចសន្តិភាពជាស្ថាពរ។
