១៤ -ព្យុះហៃយ៉ាន់បានបណ្តាលឲ្យកើតគ្រោះមហន្តរាយយ៉ាងធ្ងន់ធ្ងរនៅភាគកណ្តាលប្រទេសហ្វីលីពីន
2013-12-12 15:09:54 cri Web Editor:Wang Xing
ថ្ងៃទី៨ខែវិច្ឆិកា ព្យុះហៃយ៉ាន់បានវាយប្រហារទៅលើខេត្តជាច្រើននៅភាគកណ្តាលប្រទេសហ្វីលីពីន ដែលបានបណ្តាលឲ្យមនុស្សស្លាប់បាត់បង់ជីវិតនិងរងរបួសយ៉ាងច្រើនសន្ធឹកនិងខូចខាតទ្រព្យសម្បត្តិយ៉ាងដំណំ។ គិតរហូតដល់ថ្ងៃទី៧ខែធ្នូ បានបណ្តាលឲ្យមនុស្ស៥៧៩៦នាក់ស្លាប់បាត់បង់ជីវិត ជិត១៨០០នាក់បាត់ខ្លួន និងជាង២៧០០០នាក់រងរបួស ចំនួនមនុស្សរងគ្រោះលើសពី១៤លាននាក់ ក្នុងនោះមាន៣លាន៦ដែន២ម៉ឺននាក់គ្មានផ្ទះស្នាក់នៅ។ គ្រោះមហន្តរាយបានញ៉ាំងឲ្យសហគមន៍អន្តរជាតិយកចិត្តទុកដាក់យ៉ាងទូលំទូលាយ ប្រទេសនិងអង្គការអន្តរជាតិជាច្រើនបានផ្តល់ជំនួយជាទឹកប្រាក់ដល់ហ្វីលីពីនឬចាត់បញ្ជូនក្រុមជួយសង្គ្រោះទៅកាន់តំបន់រងគ្រោះ។ ក្រោយពីទទួលបានការយល់ព្រមពីហ្វីពីលីន ប្រទេសចិនបានចាត់បញ្ជូននាវាទេព្យសញ្ញានាវាសន្តិភាពនៃកងទ័ពជើងទឹកចិននិងសមាជិកជួយសង្គ្រោះនៃរដ្ឋាភិបាលនិងកាកបាទក្រហមចិនទៅកាន់ហ្វីលីពីនដើម្បីជួយសង្រ្គោះអ្នករងគ្រោះ។ ក្រោយពីចូលដល់ខែធ្នូ តំបន់រងគ្រោះនៅហ្វីលីពីនបានចាប់ផ្តើមធ្វើការស្តារឡើងវិញក្រោយពីគ្រោះមហន្តរាយ។