ចាប់ពីថ្ងៃទី ១៤ ខែមេសា សកម្មភាពសង្ក្រាន្តបាត់ដំបងឆ្នាំ២០១៨រវាងយុវជនចិននិងកម្ពុជា និងជាមហោស្រពតន្ត្រីមិត្តភាពបានប្រារព្វធ្វើនៅក្រុងបាត់ដំបង ទីរួមខេត្តបាត់ដំបងរយៈ៣ថ្ងៃជាប់ៗ តារាចម្រៀងឆ្នើមរបស់ចិននិងកម្ពុជាចំនួន ៣០រូបបានរួមគ្នាបកស្រាយបទចម្រៀងនៃប្រទេសទាំងពីរជិត១០០បទ ។
មហោស្រពតន្ត្រីឆ្នាំថ្មីឆ្នាំ២០១៨រវាងយុវជនចិននិងកម្ពុជា គឺជាសកម្មភាពលើកដំបូងនៃសកម្មភាពមហោស្រពតន្ត្រីមិត្តភាពទន្លេឡានឆាង-មេគង្គ ដែលរៀបចំដោយសហភាពសហព័ន្ធយុវជនកម្ពុជានៃខេត្តបាត់ដំបង ស្ថានីយទូរទស្សន៍ Nice TV ស្ថានីយវិទ្យុអន្តរជាតិចិននិងស្ថានីយទូរទស្សន៍ខេត្តក្វាងស៊ីនៃប្រទេសចិន ។
នៅពេលបន្តទៀត សកម្មភាពនេះនឹងរៀបចំជាបន្តបន្ទាប់នៅប្រទេសថៃ មីយ៉ាន់ម៉ា ឡាវនិងវៀតណាម ក្នុងគោលបំណងជំរុញការផ្លាស់ប្តូរសិល្បៈនិងវប្បធម៌រវាងប្រទេសចិននិងប្រទេសតាមបណ្តោយទន្លេមេគង្គតាមរយៈការបកស្រាយបទចម្រៀងប្រជាប្រិយ ផ្សព្វផ្សាយសំឡេងសនិ្តភាពក៏ដូចជាបង្កើតស្ពានមិត្តភាពផងដែរ ៕