ទាក់ទិននឹងការលើកឡើងរបស់មន្ត្រីជាន់ខ្ពស់សហរដ្ឋអាមេរិកនាពេលកន្លងទៅថ្មីៗនេះ លោកស្រី Hua Chun Ying អ្នកនាំពាក្យក្រសួងការបរទេសចិនបានគូសបញ្ជាក់នៅក្រុងប៉េកាំងកាលពីថ្ងៃទី ១៦ ខែមេសាថា កិច្ចសហប្រតិបតិ្តការរវាងចិននិងប្រទេសអាមេរិកឡាទីនគឺសមស្របនឹងផលប្រយោជន៍និងគោលបំណងរួមរបស់ភាគីទាំងពីរ ដែលអាចផ្តោតសំខាន់ទៅលើការអភិវឌ្ឍជាមួយគ្នា ក៏ដូចជាទទួលបានសមិទ្ធផលដែលផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះផងដែរ ។
តាមការផ្សាយដំណឹងឲ្យដឹងថា នាពេលកន្លងទៅថ្មីៗនេះ លោក Wilbur Ross រដ្ឋមន្ត្រីក្រសួងពាណិជ្ជកម្មអាមេរិកបានអះអាងថា ប្រទេសចិនបាននាំចូលជាសំខាន់នូវសម្ភារៈដើមនិងកសិផលពីអាមេរិកឡាទីន រីឯសហរដ្ឋអាមេរិកវិញបាននាំចូលជាសំខាន់នូវផលិតផលមានតម្លៃបន្ថែម ប្រការនេះនឹងកាន់តែមានអំណោយផលដល់សេដ្ឋកិច្ចក្នុងតំបន់ ។ ក្នុងសន្និសីទសារព័ត៌មានជាប្រចាំនៅថ្ងៃដដែល លោកស្រី Hua Chun Ying បានឆ្លើយតបចំពោះរឿងនេះថា តើប្រទេសចិនគឺជាដៃគូសហការរបស់ប្រទេសអាមេរិកឡាទីនល្អឬយ៉ាងណា មានតែប្រជាននៃប្រទេសអាមេរិកឡាទីនទេទើបមានសិទ្ធិបញ្ចេញមតិ ៕
