ដើម្បីឆ្លើយតបនឹងរឿងវាយប្រហារដោយអាវុធគីមីដែលបានកើតឡើងក្នុងតំបន់Ghouta Easternនៃប្រទេសស៊ីរីកាលពីពេលថ្មីៗកន្លងទៅនេះ លោកត្រាំ ប្រធានាធិបតីអាមេរិកបានប្រកាសកាលពីយប់ថ្ងៃទី ១៣ ខែមេសាថា លោកបានចេញបទបញ្ជាឲ្យកងទ័ពអាមេរិករួមសហការជាមួយអង់គ្លេស បារាំងដើម្បីធ្វើការវាយប្រហារចំគោលដៅលើបរិក្ខាយោធាស៊ីរី ។
ស្ថានីយ៍ទូរទស្សន៍ជាតិស៊ីរីបានផ្សាយព័ត៌មានកាលពីថ្ងៃទី ១៤ ខែមេសាថា ព្រឹកព្រលឹមថ្ងៃទី ១៤ ខែមេសាតាមម៉ោងតំបន់ សហរដ្ឋអាមេរិកជាដើមបានបង្កសកម្មភាពយោធាទៅលើក្រុង Damascus រដ្ឋធានីស៊ីរី ។ ព័ត៌មាននេះបានបង្ហើបឲ្យដឹងទៀតថា ប្រព័ន្ធការពារអាកាសនៃផ្នែកយោធាស៊ីរីកំពុងទប់ទល់នឹងការឈ្លានពានពីអាមេរិក បារាំងនិងអង់គ្លេស ដោយទប់ស្កាត់បានឧបករណ៍ហោះហើរចំនួន ១៣ គ្រាប់ ។
