លោកយ៉ាងជាឈី សមាជិកនៃការិយាល័យនយោបាយមជ្ឈិមបក្សកុម្មុយនិស្តចិននិងជាប្រធានការិយាល័យនៃគណៈកម្មាធិការកិច្ចការទូតមជ្ឈិមបានជួបពិភាក្សាការងារជាមួយលោក Ajit Doval ទីប្រឹក្សាទទួលបន្ទុកកិច្ចការសន្តិសុខជាតិឥណ្ឌានៅក្រុងសៀងហៃកាលពីថៃ្ងទី១៣ ខែមេសា។
ភាគីទាំងពីរបានសំគាល់ជាឯកច្ឆ័ន្ទថា បន្ទាប់ពីកិច្ចជំនួបពិភាក្សារវាងលោកស៊ីជីនភីងប្រធានរដ្ឋចិននិងលោកនាយករដ្ឋមន្ត្រីឥណ្ឌាម៉ូឌីកាលពីខែកញ្ញា ឆ្នាំមុន ទំនាក់ទំនងរវាងប្រទេសទាំងពីរក៏ទទួលបានការវិវឌ្ឍថ្មីផងដែរ។ការដែលធ្វើឲ្យទំនាក់ទំនងរវាងចិននិងឥណ្ឌាកាន់តែស៊ីជម្រៅដោយគ្រប់ជ្រុងជ្រោយគឺជាការរំពឹងទុករបស់ប្រជាជននៃប្រទេសទាំងពីរ សមស្របនឹងផលប្រយោជន៍ជាគន្លឹះរវាងភាគីទាំងពីរ ក៏អំណោយផលដល់ស្ថិរភាព ការអភិវឌ្ឍន៍និងភាពរុងរឿងថ្កុំថ្កើងនៃអាស៊ីនិងពិភពលោកផងដែរ។ភាគីទាំងពីរគួរតែបន្តធ្វើតាមស្មារតីនៃមតិឯកភាពគ្នាដែលបានឈានដល់ដោយមេដឹកនាំនៃប្រទេសទាំងពីរតទៅទៀត ត្រួសត្រាយកិច្ចសហប្រតិបត្តិការថ្មីព្រមទាំងបង្កើតអនាគតដ៏ភ្លឺស្វាងនៃទំនាក់ទំនងរវាងប្រទេសទាំងពីរទៀតផង៕
