ប្រទេសចិននឹងធ្វើកិច្ចសហប្រតិបត្តិការផ្នែកច្នៃប្រឌិតថ្មីខាងវិទ្យាសាស្ត្របច្ចេកទេសជាមួយអាស៊ាន

ថ្ងៃទី១២ខែមេសា ពិធីចាប់ផ្តើមឆ្នាំច្នៃប្រឌិតថ្មីចិន-អាស៊ានឆ្នាំ២០១៨និងជាវេទិកាច្នៃប្រឌិតថ្មីចិន-អាស៊ានបានបើកធ្វើនៅក្រុងប៉េកាំង ។

សកម្មភាពលើកនេះគឺរៀបចំឡើងដោយក្រសួងវិទ្យាសាស្ត្របច្ចេកទេសចិន ក្រសួងការបរទេសសិង្ហបុរីនិងលេខាធិការដ្ឋានអាស៊ាន ។ លោក Wang Zhigang រដ្ឋមន្ត្រីក្រសួងវិទ្យាសាស្ត្របច្ចេកទេសចិនបានថ្លែងក្នុងពិធីបើកធ្វើថា ក្រោមក្របខ័ណ្ឌយន្តការកិច្ចសហប្រតិបត្តិការច្នៃប្រឌិតថ្មីខាងវិទ្យាសាស្ត្របច្ចេកទេសទ្វេភាគីនិងពហុភាគី ភាគីទាំងពីរបានធ្វើកិច្ចសហប្រតិបត្តិការជាក់ស្តែងក្នុងវិស័យការផ្លាស់ប្តូរផ្នែកវិទ្យាសាស្ត្របច្ចេកទេសនិងវប្បធម៌មនុស្សសាស្ត្រ ការកសាងបន្ទប់ពិសោធន៍ចម្រុះ ការផ្ទេរបច្ចេកទេសនិងកិច្ចសហប្រតិបត្តិការនៅសួនវិទ្យាសាស្ត្របច្ចេកទេសជាដើម បម្រើការអភិវឌ្ឍសេដ្ឋកិច្ចក្នុងតំបន់និងការកែសម្រួលជីវភាពប្រជាជនសង្គមដោយម្ចាស់ការ ហើយទទួលបានសមិទ្ធផលដ៏សម្បូរ ។

លោក Wang Zhigang បានគូសបញ្ជាក់ថា អាស៊ានជាដៃគូសហប្រតិបត្តិការដ៏សំខាន់នៃ"ផ្លូវសូត្រលើសមុទ្រសតវត្សរ៍ទី២១" ដើម្បីអនុវត្តជាក់ស្តែងនូវគំនិតឯកភាពគ្នាដែលថ្នាក់ដឹកនាំរបស់ភាគីទាំងពីរបានឈានដល់ និងជំរុញកិច្ចសហប្រតិបត្តិការច្នៃប្រឌិតថ្មីខាងវិទ្យាសាស្ត្របច្ចេកទេសចិន-អាស៊ានរីកចម្រើនថែមទៀត ប្រទេសចិននឹងអនុវត្តកិច្ចសហប្រតិបត្តិការផ្នែកច្នៃប្រឌិតថ្មីនិងការបើកទូលាយដោយគ្រប់ជ្រុងជ្រោយក្នុងក្របខ័ណ្ឌកាន់តែទូលាយនិងស្រទាប់កាន់តែស៊ីជម្រៅ ។ យើងរីករាយរួមជាមួយប្រទេសអាស៊ាននានាសកម្មធ្វើកិច្ចសហប្រតិបត្តិការច្នៃប្រឌិតថ្មីគ្រប់ជ្រុងជ្រោយដែលយកការច្នៃប្រឌិតថ្មីខាងវិទ្យាសាស្ត្របច្ចេកទេសជាស្នូល ដើម្បីរួមវិភាគទានវិជ្ជមានថ្មីចំពោះការបង្កើតសហគមន៍រួមវាសនាចិន-អាស៊ាន ។