ថ្ងៃទី ១២ ខែមេសា លោកស្រីSun Chunlan ឧបនាយករដ្ឋមន្រ្តីចិនបានជួបប្រាស្រ័យជាមួយលោកStephen A.Schwarzman សមាជិកគណៈកម្មាធិការទីប្រឹក្សានៃវិទ្យាស្ថានគ្រប់គ្រងសេដ្ឋកិច្ចនៃសកលវិទ្យាល័យTsing Hua ចិននិងជាប្រធានក្រុមប្រឹក្សាភិបាលនៃក្រុមហ៊ុនBlackstoneអាមេរិកនៅទីស្តីការចុងណានហៃប្រទេសចិន។
ក្នុងកិច្ចជំនួប លោកស្រី Sun Chunlanបានចង្អុលបង្ហាញថា បច្ចុប្បន្ន ប្រទេសចិនបាននិងកំពុងពន្លឿនកិច្ចកសាងសកលវិទ្យាល័យនិងមុខវិជ្ជាថ្នាក់កំពូល ដើម្បីជំរុញការអភិវឌ្ឍខ្លឹមសារនៃឧត្តមសិក្សា ប្រការនេះបានផ្តល់នូវចន្លោះទូលាយសម្រាប់ធ្វើកិច្ចសហប្រតិបត្តិការផ្នែកអប់រំរវាងប្រទេសចិននិងអាមេរិក ។ លោកស្រី Sun Chunlanបានកោតសរសើរយ៉ាងពេញលេញនូវសមិទ្ធផលនៃគម្រោងសិក្សារបស់លោកStephen A.Schwarzman បញ្ញាវន្តនៃសកលវិទ្យាល័យ Tsing Hua ចិន ហើយសង្ឃឹមថា លោកអាចបន្តជំរុញកិច្ចផ្លាស់ប្តូរផ្នែកអប់រំរវាងប្រទេសចិននិងអាមេរិក និងរួមចំណែកដល់ការអភិវឌ្ឍទំនាក់ទំនងរវាងប្រទេសចិននិងអាមេរិកប្រកបដោយមុតមាំនិងស្ថិរភាព ៕